Автор: Admin

• Նախադպրոցական և հանրակրթական ուսումնական հաստատությունները պետք է ունենան բուժկետ և մեկուսարան:

• Բուժկետը մեկ սենյակում կազմակերպելու դեպքում սենյակում պետք է.

• ապահովվի գործառնական գոտիավորում` համապատասխան կահավորմամբ
• շարժական միջնապատ՝ առանձնացնելով մեկուսարանը:

• Բուժկետը պետք է ունենա.

• դաստակային կամ ոտնակային կամ զգայական (սենսոր) կառավարման լվացարան,
• ոտնակային կառավարմամբ բացվող կափարիչով աղբարկղ,
• պահարաններ,
• բուժաշխատողի ձեռքերի և բուժկետի մակերեսների ախտահանման համար նախատեսված ախտահանիչ:

• Սուր շնչառական վարակների սեզոնի (աշուն-գարուն) ընթացքում բուժաշխատողի կողմից պետք է ապահովվի վարակին բնորոշ ախտանշաններով հիվանդ երեխաների ամենօրյա ակտիվ հայտնաբերում:

• Հայտնաբերված հիվանդ երեխաները և աշխատակիցներն անմիջապես տեղափոխվում են մեկուսարան՝ տեղեկացնելով համապատասխան առողջության առաջնային պահպանման հաստատությանը ու երեխայի օրինական ներկայացուցչին։

• Հայտնաբերված վարակիչ հիվանդության դեպքերը գրանցվում են «Վարակիչ հիվանդությունների հաշվառման» մատյանում։

*  ՀՀ առողջապահության նախարարի 2024 թվականի փետրվարի 12-ի «Նախադպրոցական ուսումնական հաստատություններին ներկայացվող պահանջներ» սանիտարական կանոններ և նորմեր N 50-Ն հրաման։

*   ՀՀ առողջապահության նախարարի 2017 թվականի մարտի  28-ի «Հանրակրթական ծրագրեր իրականացնող ուսումնական հաստատություններին ներկայացվող պահանջներ» սանիտարական կանոններ և նորմեր N 12-Ն հրաման։

Առողջապահական և աշխատանքի տեսչական մարմնի կողմից «ԱՌԳՈ-ՖԱՐՄ» սահմանափակ պատասխանատվությամբ ըկերությանը 2026 թվականի մարտի 10-ին տրվել է «Բակլոֆեն-Ուսոլյե 25մգ; (50/5×10) դեղահատեր բլիստերում» (արտադրող՝ «Ուսոլյե-Սիբիրսկի քիմիական և դեղագործական գործարան» ԲԲԸ, Ռուսաստան) դեղի 031025 սերիայի (պիտանելիության ժամկետ՝ 10.2028թ․)   շրջանառության դադարեցման (հետկանչի) կարգադրագիր։

Կարգադրագրի հիմք է հանդիսացել «Դեղերի և բժշկական տեխնոլոգիաների փորձագիտական կենտրոն» ՊՈԱԿ-ի կողմից 2026 թվականի մարտի 10-ին ստացված թիվ 03/1274-26 գրությունը և կից փորձաքննության եզրակացությունը, համաձայն որի՝ Որակի հսկման լաբորատորայի փորձաքննության ընթացում հայտնաբերվել են շտկման ենթակա անհամապատասխանություններ սպեցիֆիկացիաների պահանջներին հարակից խառնուրդների (անհայտ խառնուրդ 1, անհայտ խառնուրդների գումարային քանակ) հայտնաբերման չափանիշով, անհարժեշտ է իրականացնել «Բակլոֆեն-Ուսոլյե 25մգ; (50/5×10) դեղահատեր բլիստերում» (արտադրող՝ «Ուսոլյե-Սիբիրսկի քիմիական և դեղագործական գործարան» ԲԲԸ, Ռուսաստան) դեղի 031025 սերիայի հետկանչ:

Հարգելի´ քաղաքացիներ, քանի որ առկա է դեղի  հետկանչի ենթակա թերություն՝ խնդրում ենք ուշադիր լինել և խուսափել վերոնշյալ սերիայով դեղի օգտագործումից: