Месяц: Май 2023

 
Մայիսի 31-ին ամբողջ աշխարհում նշվում է «Առանց ծխախոտի» համաշխարհային օրը։

ՀՀ առողջապահական և աշխատանքի տեսչական մարմինը, «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» ՀՀ օրենքի դրույթների պահանջների կատարման վերահսկողության շրջանակում, 2023 թվականի հունվար-մայիս ժամանակահատվածում․

• սեփական նախաձեռնությամբ հարուցել է 616 վարչական վարույթ,
• ընդունել է տույժ նշանակելու մասին 65 որոշում,
• ընդհանուր առմամբ սահմանվել է 6․550․000 դրամի տուգանք։

Ծխախոտի դեմ պայքարի համաշխարհային օրվա 2023 թվականի կարգախոսն է «Մենք կարիք ունենք սննդի, ոչ թե ծխախոտի»:

ՀՀ առողջապահական և աշխատանքի տեսչական մարմնի կողմից «Լևոն և Լամարա» ՍՊ ընկերությանը՝ ի դեմս տնօրենի, 2023 թվականի մայիսի 25-ին տրվել է Կարգադրագիր՝ «Դիպրոսպան բետամեթազոն (բետամեթազոնի դիպրոպիոնատ), բետամեթազոն (բետամեթազոնի նատրիումական ֆոսֆատ) դեղակախույթ ներարկման 5մգ/մլ+2մգ/մլ; (5) ամպուլներ 1մլ Բելգիա Շերինդ-Պլաու Լաբո Ն.Վ., Ինդաստրիպարկ 30, Հեյստ-օպ-դեն-Բերգ, 2220՝ Օրգանոն Սենտրալ Իստ ԳմբՀ, Վեյշտրասե 20, 6006 Լուցերն (Շվեյցարիա)» դեղի W030207 սերիայի շրջանառությունը դադարեցնելու և շրջանառությունից հանելու (հետկանչի) մասին։

Կարգադրագրի հիմք է հանդիսացել ՀՀ առողջապահության նախարարության «Ակադեմիկոս Է. Գաբրիելյանի անվան դեղերի և բժշկական տեխնոլոգիաների փորձագիտական կենտրոն» ՓԲ ընկերությունից ստացված գրությունը և կից՝ փորձաքննության եզրակացությունը։ Ըստ եզրակացության՝ «Դիպրոսպան բետամեթազոն (բետամեթազոնի դիպրոպիոնատ), բետամեթազոն (բետամեթազոնի նատրիումական ֆոսֆատ) դեղակախույթ ներարկման 5մգ/մլ+2մգ/մլ; (5) ամպուլներ 1մլ Բելգիա Շերինդ-Պլաու Լաբո Ն.Վ., Ինդաստրիպարկ 30, Հեյստ-օպ-դեն-Բերգ, 2220՝ Օրգանոն Սենտրալ Իստ ԳմբՀ, Վեյշտրասե 20, 6006 Լուցերն (Շվեյցարիա)» դեղի W030207 սերիայի նմուշների լաբորատոր փորձաքննության արդյունքում հայտնաբերվել է մեխանիկական մասնիկներով պայմանավորված որակի անհամապատասխանություն։

 

Ղազախստանի մայրաքաղաք Աստանայում կայացել է Աշխատանքի տեսչությունների Եվրասիական տարածաշրջանային դաշինքի 2023 թվականի առաջին համաժողովը, որին հեռավար մասնակցել են ՀՀ առողջապահական և աշխատանքի տեսչական մարմնի ղեկավարի պարտականությունները կատարող Սլավիկ Սարգսյանը,  տեսչական մարմնի ղեկավարի տեղակալ Վահագն Գրիգորյանը, Աշխատանքային օրենսդրության վերահսկողության վարչության պետ Իգիթ Հակոբյանը, Աշխատողների առողջության պահպանման և անվտանգության ապահովման վերահսկողության բաժնի պետ Աշոտ Հարությունյանը, նույն բաժնի գլխավոր տեսուչ Արփինե Չափարյանը, ինչպես նաև դաշինքի անդամ երկրների ներկայացուցիչներ։

ՌԴ աշխատանքի և զբաղվածության դաշնային ծառայության ղեկավարի տեղակալ, Աշխատանքի տեսչությունների միջազգային ասոցիացիայի (IALI) փոխնախագահ Իվան Շկլովեցը ողջունել է մասնակիցներին և մաղթել արդյունավետ աշխատանք։

Համաժողովի օրակարգում էր՝

• Աշխատանքի տեսչությունների միջազգային ասոցիացիայի ընթացիկ գործունեության վերաբերյալ քննարկումը,

• 2023 թվականի միջոցառումների ծրագրի կետերի կատարումը,

• 2022 թվականի գործունեության արդյունքների ամփոփումը,

• Դաշինքի նախագահի ընտրության նոր մեխանիզմի կիրառման հարցը,

• Շնորհակալագրերի, դիպլոմների հանձնման համար Դաշինքի խորհրդանիշով ձևաթղթերի ընդունման և հաստատման հարցը,

• Անդամ երկրների աշխատանքի տեսչությունների լավագույն տեսուչներին խրախուսելու 1-ին մրցանակաբաշխությունը կազմակերպելու մեխանիզմի վերաբերյալ հարցը,

• Դաշինքի և եվրաասիական տարածաշրջանի երկրների միջև համագործակցության նոր ոլորտների զարգացման հարցը։

Տեսչական մարմնի ղեկավարի պարտականությունները կատարող Սլավիկ Սարգսյանը ընդհանուր տեղեկություններ է ներկայացրել է 2022 թվականին կատարված աշխատանքների մասին։

Մասնավորապես՝ նշել է, որ 2021 թվականի համեմատ 2022 թվականին  մի քանի անգամ ավելի աշխատանք է կատարվել, տեղեկացրել է ՀՀ աշխատանքային օրենսգրքում ծավալային փոփոխությունների մասին և հույս է հայտնել, որ ընթացիկ տարին ավելի արդյունավետ կլինի, և որ Տեսչական մարմնի աշխատանքի շնորհիվ աշխատանքային իրավունքի խախտումների դեպքերը կնվազեն, իսկ աշխատողների իրավունքներն առավել պաշտպանված կլինեն։

Համաժողովի ավարտին պայմանավորվածություն է ձեռք բերվել տարվա գլխավոր համաժողովն անցկացնել սեպտեմբերին՝ ՌԴ Սոչի քաղաքում։