ՀՀ առողջապահական և աշխատանքի տեսչական մարմնի ղեկավար և Աշխատանքի տեսչական մարմինների միջազգային ասոցիացիայի փոխնախագահ Սլավիկ Սարգսյանը մասնակցել է մայիսի 28-ից 30-ը Ղազախստանի Հանրապետությունում անցկացվող Ղազախստանի աշխատողների առողջության և անվտանգության վերաբերյալ 13-րդ միջազգային կոնֆերանս-ցուցահանդեսին (KIOSH)։
Կոնֆերանսին մասնակցել են աշխատանքային անվտանգության ոլորտի մասնագետներ, պետական մարմինների ներկայացուցիչներ, բիզնես առաջնորդներ և միջազգային կազմակերպություններ։
Ելույթներով հանդես են եկել Ղազախստանի փոխվարչապետ Երմեկ Կոշերբաևը, Աշխատանքի և բնակչության սոցիալական պաշտպանության նախարար Սվետլանա Ժակուպովան, ինչպես նաև Արտակարգ իրավիճակների փոխնախարար Սերիկ Տուլենբերգենովը։
ՀՀ առողջապահական և աշխատանքի տեսչական մարմնի ղեկավար Սլավիկ Սարգսյանն իր ելույթում հատկանշել է կոնֆերանսի կարևորությունը՝ որպես հնարավորություն կիսվելու ձեռք բերած գիտելիքներով և ձևավորելու կայուն հարաբերություններ և երկարատև գործակցություն մասնակից պետությունների միջև։
Տեսչական մարմնի ղեկավարն անդրադարձել է նաև հասարակության իրազեկվածության բարձրացման արդիականությանը և արդյունավետությանը, մասնավորապես, կարևորել աշխատանքային իրավունքների տիրապետմանը երկկողմ հարաբերություններում՝ գործատուների և աշխատողների միջև վստահելի և առողջ աշխատանքային միջավայր ձևավորելու համատեքստում, ինչպես նաև կարևորել է հետադարձ կապի ապահովումը և դրա իրականացման համար մատչելի և գործնական մեխանիզմների ներդրումը։
Կոնֆերանսի շրջանակներում անցկացվել է նաև նախատեսված ցուցահանդեսը, որտեղ ներկայացվել են անհատական պաշտպանիչ միջոցներ, աշխատանքային հագուստ, հրդեհային անվտանգության համակարգեր, առողջապահական և հիգիենիկ լուծումներ, ինչպես նաև ծրագրային ապահովում և տեղեկատվական տեխնոլոգիաներ։
© 2019