Առողջապահական և աշխատանքի տեսչական մարմին

Իրազեկման սեմինար՝ Կապանի գեղեցկության սրահների աշխատակիցների համար

Առողջապահական և աշխատանքի տեսչական մարմնի Հարավային տարածքային կենտրոնի աշխատակիցները, Կապանի բաժնի պետ-տեսուչ Արտեմ Այվազյանի գլխավորությամբ, 2025 թվականի հունվարի 23-ին իրազեկման սեմինար են անցկացրել Կապան քաղաքի գեղեցկության սրահների տնօրենների և աշխատակիցների համար։

Սեմինարի թեման՝ Գեղեցկության սրահներին ներկայացվող սանիտարական կանոնների», ՀՀ կառավարության 27.03.2003թ. N347-Ն որոշման պահանջները»։

Իրազեկման միջոցառմանը մասնակցել է տնտեսավարող սուբյեկտի 11 ներկայացուցիչ:

Տեսչական մարմնի մասնագետները պատասխանել են սեմինարի մասնակիցների հարցերին:

ԱԱՏՄ կառավարման խորհրդի հերթական նիստը

Առողջապահության նախարար Անահիտ Ավանեսյանի գլխավորությամբ տեղի է ունեցել Առողջապահական և աշխատանքի տեսչական մարմնի կառավարման խորհրդի հերթական նիստը:

Օրակարգում ընդգրկված հարցերն էին՝

1. ՀՀ առողջապահական և աշխատանքի տեսչական մարմնի 2024 թվականի տարեկան հաշվետվության նախագծի քննարկում և հավանության արժանացում.

2. ՀՀ առողջապահական և աշխատանքի տեսչական մարմնի որակի ապահովման վարչության 2024 թվականի 4-րդ եռամսյակի հաշվետվության ներկայացում և քննարկում.

3. ՀՀ առողջապահական և աշխատանքի տեսչական մարմնի 2024 թվականի 4-րդ եռամսյակի գործունեության կատարողականի գնահատման քննարկում և հաստատում.

4. Այլ հարցերի քննարկում:

Տեսչական մարմնի ղեկավար Սլավիկ Սարգսյանը խորհրդին է ներկայացրել 2024 թվականի տարեկան հաշվետվության նախագիծը: Նախագծին հավանություն տալուց հետո քննարկվել և հաստատվել է նաև տեսչական մարմնի որակի ապահովման վարչության 2024 թվականի 4-րդ եռամսյակի հաշվետվությունը:

Ամփոփելով նիստը` Անահիտ Ավանեսյանը մի շարք առաջարկներ է արել տեսչական մարմնի գործունեության բարելավման և վերահսկողական մեխանիզմների ուժեղացման ուղղությամբ: