Месяц: Август 2023

Հաշվետվություն

ՀՀ առողջապահական և աշխատանքի տեսչական մարմնի Թեժ գիծ ծառայության հեռախոսահամարով 2023 թվականի առաջին կիսամյակի ընթացքում ստացվել է 2 682 զանգ։

Թվային տվյալներ` ըստ զանգերի բովանդակության․

• Աշխատանքային օրենսդրության վերահսկողության վարչություն` 1499 զանգ (55,9%),
• Հիգիենիկ, սանիտարահիգիենիկ և հակահամաճարակային վերահսկողության վարչություն` 146 զանգ (5,4%),
• Դեղերի շրջանառության վերահսկողության վարչություն` 65 զանգ (2,4%),
• Բժշկական օգնության և սպասարկման վերահսկողության վարչություն` 96 զանգ (3,5%),
• Տեղեկատվություն՝ 476 զանգ (17,8%),
• ԱԱՏՄ գործառույթից դուրս՝ 399 զանգ (14,9%),
• Առաջարկ՝ 1 (0,03%)

«Թեժ գիծ» ծառայությամբ բարձրացված բոլոր հարցերը ստացել են հիմնավորված պատասխաններ: Մասնագիտական պարզաբանումների անհրաժեշտության դեպքերում հեռախոսազանգերն ուղղորդվել են ԱԱՏՄ համապատասխան մասնագիտակն վարչություններ և տարածքային ստորաբաժանումներ։

Տեսչական մարմնի գործառույթների շրջանակներում լուծում պահանջող զանգերի ու բողոքների վերաբերյալ ԱԱՏՄ ղեկավարին տեղեկացվել է զեկուցագրերի միջոցով:

Հայաստանի Հանրապետության առողջապահական և աշխատանքի տեսչական մարմնի 2023 թվականի առաջին կիսամյակի ընթացքում կատարված աշխատանքների

ՀԱՇՎԵՏՎՈՒԹՅՈՒՆ

Հաշվետու ժամանակահատվածում Տեսչական մարմնի կողմից օրենքով սահմանված կարգով հարուցվել է 2 015 վարչական վարույթ, որից Տեսչական մարմնի նախաձեռնությամբ՝ 1 756, դիմումի հիման վրա՝ 259։

Նախաձեռնությամբ հարուցված վարչական վարույթներից 753-ը հարուցվել են «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» ՀՀ օրենքի 6-րդ հոդվածի 4-րդ մասի պահանջների պահպանումը պարզելու նպատակով։

Հարուցված վարչական վարույթներն ըստ վերահսկողության ոլորտների՝

• Հիգիենիկ, սանիտարահիգիենիկ և հակահամաճարակային վերահսկողության ոլորտ՝ հարուցված վարչական վարույթներ՝ 246, Տեսչական մարմնի նախաձեռնությամբ՝ 197, դիմումի հիման վրա՝ 49,
• Բժշկական օգնության և սպասարկաման վերահսկողության ոլորտ՝ հարուցված վարչական վարույթներ՝ 933, Տեսչական մարմնի նախաձեռնությամբ՝ 929, դիմումի հիման վրա՝ 4,
• Դեղերի շրջանառության վերահսկողության ոլորտ՝ հարուցված վարչական վարույթներ՝ 119, Տեսչական մարմնի նախաձեռնությամբ՝ 118, դիմումի հիման վրա՝ 1,
• Աշխատանքային իրավունք՝ ներառյալ աշխատողների առողջության պահպանման ոլորտ՝ հարուցված վարչական վարույթներ՝ 717, Տեսչական մարմնի նախաձեռնությամբ՝ 512, դիմումի հիման վրա՝ 205։

Վարչական վարույթների ընթացքում հայտնաբերված խախտումները վերացնելու համար տրվել է 255 կարգադրագիր՝ առաջադրանք տալու վերաբերյալ։

Հաշվետու ժամանակահատվածում, վարչական վարույթների արդյունքում տնտեսավարող սուբյեկտների և դրանց ծառայողների նկատմամբ որպես պատասխանատվության միջոցներ ընդունվել է 712 որոշում տույժ նշանակելու մասին, ընդհանուր առմամբ, սահմանվել է 242.797.862 դրամի տուգանք։

Հայաստանի Հանրապետության առողջապահական և աշխատանքի տեսչական մարմնի 2023 թվականի առաջին կիսամյակի ընթացքում կատարված աշխատանքների

ՀԱՇՎԵՏՎՈՒԹՅՈՒՆ

2023 թվականի ստուգումների տարեկան ծրագրով նախատեսված է իրականացնել 800 թեմատիկ ստուգում` 712 տնտեսավարող սուբյեկտի մոտ։ Դրանցից՝ 656-ը բարձր, 104 -ը՝ միջին և 40-ը՝ ցածր ռիսկայնությամբ։

Հաշվետու ժամանակահատվածում հրապարակվել է 514 ստուգման հանձնարարագիր, որից 349-ը՝ պլանային, 11ը՝ ըստ անհրաժեշտության ստուգում և 154-ը՝ վերստուգում։

Թվային տվյալներն՝ ըստ ոլորտների.

• Հիգիենիկ, սանիտարահիգիենիկ և հակահամաճարակային վերահսկողության ոլորտ՝ ստուգում՝ 84, վերստուգում՝ 46,
• Բժշկական օգնության և սպասարկաման վերահսկողության ոլորտ՝ ստուգում՝ 0, վերստուգում՝ 15,
• Դեղերի շրջանառության վերահսկողության ոլորտ՝ ստուգում՝ 95, վերստուգում՝ 11,
• Աշխատանքային իրավունք՝ ներառյալ աշխատողների առողջության պահպանման ոլորտ՝ ստուգում՝ 181, վերստուգում՝ 82։

Տրվել է 208 կարգադրագիր՝ խախտումների և թերությունների վերացման մասին:

Տնտեսավարող սուբյեկտների և դրանց ծառայողների նկատմամբ որպես պատասխանատվության միջոց ընդունվել է 331 որոշում՝ տույժ նշանակելու մասին, ընդհանուր առմամբ՝ սահմանվել է 245.953.361 դրամի տուգանք։