Առողջապահական և աշխատանքի տեսչական մարմին

Covid-անվտանգության նորմերի պահպանումը դիտարկվել է Շենգավիթ վարչական շրջանի տնտեսավարողների մոտ

ՀՀ առողջապահական և աշխատանքի տեսչական մարմնի Երևան քաղաքի, Արևելյան և Արևմտյան տարածքային կենտրոնի մասնագետները շարունակել են համատեղ ուժեղացված ստուգայցերը մայրաքաղաքում։

Այսօր Covid-անվտանգության նորմերի պահպանումը դիտարկվել է Շենգավիթ վարչական շրջանի տնտեսավարողների մոտ։

Կատարվել է 127 ստուգայց, որի ընթացքում հայտնաբերվել է 2 խախտում, մեկ տնտեսավարողի նկատմամբ կայացվել է տուգանքի որոշում.

93 մանրամեծածախ առևտրի կենտրոն՝ 2 խախտում,
1 գեղեցկության սրահ՝ 0 խախտում,
16 դեղատուն՝ 0 խախտում,
17 գրասենյակ՝ 0 խախտում։

Ուժեղացված ստուգայցերը շարունակվում են ողջ հանրապետությունում

Վանաձոր, Գյումրի, Իջևան, Կապան և Սիսիան քաղաքներում ՀՀ առողջապահական և աշխատանքի տեսչական մարմնի Հարավային և Հյուսիսային տարածքային կենտրոնների մասնագետներն իրականացրել են ընդհանուր 90 ստուգայց։ Արձանագրվել է 38 խախտում։

Դիտարկվել են նշված քաղաքների դպրոցները, նախադպրոցական հաստատությունները, դեղատները, գրասենյակներն ու առևտրի կենտրոնները։

Արձանագրված խախտումների դեպքում տրվել են դրանք վերացնելու հանձնարարականներ։