Месяц: Сентябрь 2021

ՀՀ առողջապահական և աշխատանքի տեսչական մարմնի Երևան քաղաքի, Արևելյան և Արևմտյան տարածքային կենտրոնի մասնագետները շարունակել են համատեղ ուժեղացված ստուգայցերը մայրաքաղաքում։ Այսօր Covid-անվտանգության նորմերի պահպանումը դիտարկվել է Մալաթիա-Սեբաստիա և Աջափնյակ վարչական շրջանների տնտեսավարողների մոտ։

Կատարվել է 168 ստուգայց, որի ընթացքում հայտնաբերվել է 6 խախտում, այդ թվում՝

• 109 մանրամեծածախ առևտրի կենտրոն՝ 1 խախտում,
• 5 գրասենյակային տարածք՝ 1 խախտում,
• 19 դեղատուն՝ 0 խախտում,
• 35 տրանսպորտ՝ 4 խախտում։

ՀՀ առողջապահական և աշխատանքի տեսչական մարմնի Հարավային և Հյուսիսային տարածքային կենտրոնների մասնագետները ոստիկանության հետ համատեղ իրականացրել են ընդհանուր 123 ստուգայց։ Արձանագրվել է 68 խախտում։

Covid-անվտանգության նորմերը դիտարկվել են Վանաձոր, Գյումրի, Իջևան, Կապան և Սիսիան քաղաքների դպրոցներում, նախադպրոցական հաստատություններում, դեղատներում, գրասենյակներում, առևտրի կենտրոններում, հյուրանոցներում և տնտեսական համանման գործունեություն իրականացնող տնտեսավարողների մոտ, հանրային տրանսպորտում։ Խախտումների դեպքում տրվել են դրանք վերացնելու հանձնարարականներ։