Месяц: Июнь 2021

ՀՀ առողջապահական և աշխատանքի տեսչական մարմնի աշխատանքային օրենսդրության իրավական վերահսկողության բաժնի պետ Ալվարդ Արշակյանը և աշխատողների առողջության պահպանման և անվտանգության ապահովման վերահսկողության բաժնի  մասնագետ Արփինե Չափարյանը մասնակցել են ՀՀ  Տարածքային Կառավարման նախարարի տեղակալ Լիլիա Շուշանյանի գլխավորությամբ կայացած  աշխատաժողովին։

Միջոցառման ժամանակ քննարկվել է հանքարդյունաբերության ոլորտի առանձնահատկություններից  բխող  դրույթների  ընդգծմամբ  աշխատանքային օրենսդրությանը չհակասող  աշխատանքային պայմանագրերի  օրինակելի ձևի  մշակման  համար իրականացված հետազոտության  և դրա հիման վրա մշակված աշխատանքային պայմանագրի  օրինակելի ձևի նախագիծը։

Աշխատաժողովին մասնակցել են ՄԱԶԾ Եվրոպայի և ԱՊՀ երկրների գրասենյակի և ՄԱԶԾ հայաստանյան գրասենյակի շրջակա միջավայրի և կանաչ էկոնոմիկայի հարցերով մասնագետ Գեորգի Արզումանյանը, ADWISE խորհրդատվական ընկերության գործընկեր, խորհրդատու Արա Խզմալյանը, ընդերքօգտագործող ընկերությունների մարդկային ռեսուրսների կառավարման մասնագետներ, ճյուղային նախարարությունների ներկայացուցիչներ։

Մանրամասները կայքում՝ https://bit.ly/3gEALRi

Ուշադրություն,

աղիքային վարակիչ հիվանդությունների և սննդային թունավորումների հնարավոր առաջացումն ու տարածումը կանխարգելելու նպատակով ՀՀ առողջապահական և աշխատանքի տեսչական մարմինը, որպես բնակչության սանիտարահամաճարակային անվտանգության ապահովման բնագավառում վերահսկողության պատասխանատու կառույց խստորեն հորդորում է պահանել սանիտարահամաճարակային նորմերը։

Հատկապես ամառային շոգ եղանակով պայմանավորված անհրաժեշտ է՝

• չգնել անհայտ ծագման, չսահմանված վայրերում, առանց պատշաճ ջերմաստիճանի և հիգիենիկ պայմանների պահպանման վաճառվող սննդամթերք, հատկապես պատրաստի սննդատեսակներ (քաբաբ, խորոված, մսով, սնկով փքաբլիթներ, այսպես կոչված՝ Ղարսի խորոված),

• կրեմային հրուշակեղեն, լցնովի պաղպաղակ և այլն,

• հետևել ձեռքերի հիգիենային՝ հաճախակի լվանալ օճառով,
  միրգ, բանջարեղեն, հատապտուղներ օգտագործելուց առաջ լավ լվանալ հոսող խմելու ջրով,

• սննդամթերքը պահել փակ տարաներում՝ ճանճերի աղտոտումից զերծ պահելու նպատակով,

• չհավաքել և սննդում չօգտագործել անհայտ ծագման սնկեր,

• չպահել պատրաստի սնունդը սենյակային ջերմաստիճանում երկու ժամից ավելի,

• չթույլատրել երեխաներին լողալ դեկորատիվ ջրավազաններում և խաղալ ոռոգման ջրով,

• չաղտոտել շրջակայքը,

• խմելու ջրի համային և գունային փոփոխությունների, տեսանելի նստվածքների առկայության դեպքում այն չօգտագործել կամ օգտագործել միայն եռացնելուց հետո, ինչպես նաև դիմել համապատասխան մարմիններին,

• աղիքային վարակիչ հիվանդությունների ախտանիշերի առկայության դեպքում անհապաղ դիմել բժշկի։

Տեսչական մարմինը հրավիրում է նաև հիվանդանոցային և արտահիվանդանոցային ձևերով բժշկական օգնություն և սպասարկում իրականացնող կազմակերպությունների ուշադրությունը՝ անհրաժեշտ է խստորեն պահպանել սանիտարահամաճարակաբանական կանոններն ու նորմերը՝

— առողջարանային-վերականգնողական հաստատություններում,

— ուսումնական հաստատություններում,

— մանկատներում, երեխաների խնամքի և պաշտպանության գիշերօթիկ հաստատություններում,

— տուն-ինտերնատներում,

— հյուրանոցային տնտեսություններում,

— արտադրական ձեռնարկություններում։

ԱԱՏՄ վերահսկողական աշխատանքները նշված սուբյեկտների մոտ կրում են մշտական բնույթ։

Հիշեցում՝ աղիքային վարակիչ հիվանդությունների և սննդային թունավորումների հիմնական ախտանշաններն են թուլությունը, գլխացավը, գլխապտույտը, սրտխառնոցը, փսխումները, լուծը, ջերմության բարձրացումը և այլն։