Автор: Admin

 

2025 թվականի մայիսի 13-ին ՀՀ առողջապահական և աշխատանքի տեսչական մարմնի ղեկավար Սլավիկ Սարգսյանը նախաձեռնել է աշխատանքային շրջայց «Մաստեր ֆարմ» և  ««էջմիածին» բժշկական կենտրոն» բժշկական կազմակերպություններ` նպատակ ունենալով խթանել բաց շարունակական երկխոսությունը և ապահովել հետադարձ կապը ոլորտի ներկայացուցիչների հետ։

Այցի ընթացքում Տեսչական մարմնի ղեկավարը բժշկական կազմակեպությունների տնօրենների ուղեկցությամբ շրջել է բուժական բաժանմունքներում և քննարկել Տեսչական մարմնին վերաբերելի հարցեր, ինչպես նաև զրուցել բուժառուների հետ:
Տեսչական մարմնի ղեկավարը բժշկական կազմակերպություններում հետաքրքրվել է նաև աշխատակիցների աշխատանքային իրավունքների պահպանմամբ։

 

 

 

 

 

ՀՀ առողջապահական և աշխատանքի տեսչական մարմինը հրավիրում է Դեղերի շրջանառության վերահսկողության ոլորտի իրազեկման սեմինարի։

Սեմինարի թեման՝  «Դեղատոմսեր գրելու և դեղերի բաց թողնման կարգը»։

Սեմինարը կկայանա մայիսի 19-ին, ժամը 11:00-ին։

Գրանցման համար խնդրում ենք հայտն ուղարկել press@hlib.am էլեկտրոնային հասցեին, նշելով՝ Ձեր անուն/ազգանունը, կազմակերպության անվանումը, զբաղեցրած պաշտոնը, հեռախոսահամարը և էլեկտրոնային հասցեն։

Անցկացման վայրը՝ ք. Երևան, Շենգավիթ, Արարատյան 26, հեռ. 010 65 03 05։

ՀՀ առողջապահական և աշխատանքի տեսչական մարմնի դեղերի շրջանառության վերահսկողության վարչությունը 2025 թվականի մայիսի 8-ին իրազեկման սեմինար է անցկացրել՝ «Դեղատոմսեր գրելու և դեղերի բաց թողնման կարգը» թեմայով։

Իրազեկման սեմինարին մասնակցել են Երևան քաղաքի և մարզերի բժշկական կենտրոնների  մեկ տասնյակից ավելի ներկայացուցիչներ։

Սեմինարի ընթացքում քննարկվել են էլեկտրոնային դեղատոմսերի դուրս գրման կարգը և դեղերի դուրս գրման վերաբերյալ բժիշկներին հուզող արդի այլ հարցեր։

Տեսչական մարմնի դեղերի շրջանառության վերահսկողության վարչության աշխատակիցները պատասխանել են նաև բժշկական կենտրոնների ներկայացուցիչների հարցերին։