Автор: Admin

ՀՀ առողջապահական և աշխատանքի տեսչական մարմնի դեղերի շրջանառության վերահսկողության վարչությունը կարևորելով թեմայի արդիականությունը, տեսական և գործնական նշանակությունն ու բժշկական կազմակերպությունների հետաքրքրվածությունը, 2025 թվականի մայիսի 19-ին կրկին անցկացրել է իրազեկման սեմինար՝ «Դեղատոմսեր գրելու և դեղերի բաց թողնման կարգը» թեմայով, որի ընթացքում անդրադարձ է կատարվել դեղատոմսերի դուրսգրմանը, մասնավորապես, էլեկտրոնային դեղատոմսերի ձևակերպման կարգի, ինչպես նաև դեղերի նշանակման և բաց թողնման գործընթացին վերաբերող մասնագիտական հարցերին։

Դեղերի շրջանառության վերահսկողության վարչության աշխատակիցները նաև պատասխանել են բժշկական կենտրոնների ներկայացուցիչների հարցերին։

Տեսչական մարմինը հետամուտ է շարունակել  նմանատիպ իրազեկման միջոցառումների իրականացմանը՝ նպաստելով իր վերահսկողության ոլորտում օրենսդրական պահանջների համապարփակ իրազեկմանն ու կիրառմանը։

ՀՀ առողջապահական և աշխատանքի տեսչական մարմնի Արևելյան տարածքային կենտրոնի պետ Վահագն Մարտիրոսյանը և Տարածքային կենտրոնի համապատասխան բաժինների պետերը 2025 թվականի մայիսի 15-ին ՀՀ Կոտայքի մարզպետի աշխատակազմում, Կոտայքի մարզի 30 բժշկական կազմակերպությունների տնօրենների համար կազմակերպել և իրականացրել  են իրազեկման սեմինար, որին մասնակցել են նաև մարզպետի աշխատակազմի առողջապահության և սոցիալական ոլորտի հարցերի վարչության, իրավաբանական բաժնի պետերը։

Սեմինարի ընթացքում ներկայացվել են բժշկական թափոնների գործածությանը ներկայացվող պահանջների, բժշկական նշանակության արտադրատեսակների մաքրման, ախտահանման, նախամանրէազերծման և մանրէազերծման պահանջների պահպանման, ավագ և միջին բուժաշխատողների շարունակական մասնագիտական զարգացման հավաստագրերի առկայության պարտադիր պահանջի, աշխատանքային օրենսգրքով սահմանված նորմերի, աշխատանքային օրենսգրքի առանձին դրույթների կիրառման առանձնահատկությունների, կիրառման կարգի, ինչպես նաև աշխատանքային օրենսգրքում կատարված վերջին փոփոխությունների վերաբերյալ տեղեկատվություն։

Տեսչական մարմնի մասնագետները պատասխանել են նաև սեմինարի մասնակիցների հարցերին։