Месяц: Март 2022

ՀՀ առողջապահական և աշխատանքի տեսչական մարմինն ու «Գործք» ՍՊ ընկերությունը սերտ կհամագործակցեն

Տեսչական մարմնի ղեկավարի տեղակալ Գոհար Դարբինյանը և «Գործք» ՍՊԸ գլխավոր տնօրեն Արմեն Սարգսյանն այսօր համագործակցության հուշագիր են ստորագրել։

Կողմերը համագործակցելու են հետևյալ ուղղություններով՝

  • տեղեկատվության փոխանակում,
  • տեսչական մարմնի գործունեության լուսաբանում,
  • պետություն-հասարակություն հետադարձ կապի ապահովում,
  • աջակցություն հասարակության լայն շերտերին Տեսչական մարմնի հաշվետվողականությունն ապահովելու հարցում,
  • տեսչական մարմնի կողմից գործատուներին և աշխատողներին հետաքրքրող հարցերին տրված խորհրդատվությունների հանրայնացում,
  • «Գործք» ամսագրում ՀՀ առողջապահական և աշխատանքի տեսչական մարմնին հատուկ անվանական էջի տրամադրում:

Հուշագրի նպատակը աշխատանքային իրավունքի և աշխատանքի անվտանգության պաշտպանության ոլորտում իրականացվող բարեփոխումներին հանրային ներուժի ներգրավումը, պետություն-մասնավոր ընկերություն-աշխատող հարաբերություններում գործընկերային վստահելի համագործակցության ձևավորումն է։

Հանդիպում-քննարկում՝ Ազգային ժողովում

Ազգային ժողովում հանդիպում-քննարկում է տեղի ունեցել Տեսչական մարմնի ղեկավարի և Տեսչական մարմնի գործունեության ոլորտների՝ առողջապահական և աշխատանքի, գլխադասային հանձնաժողովների նախագահների հետ։

Տեսչական մարմնի ղեկավարը ներկայացրել է Տեսչական մարմնի ընթացիկ աշխատանքները, քննարկվել են այն օրենսդրական բացերը, որոնք խնդիրներ են առաջացնում վերահսկողական աշխատանքներ իրականացնելիս պրակտիկ դաշտում։

Պայմանավորվածություն է ձեռք բերվել հանդիպումները կազմակերպել պարբերաբար՝ անդրադառնալով առանձին ոլորտային խնդիրներին։

Իրազեկման սեմինար՝ ՀՀ ԱՆ 2021 թվականի դեկտեմբերի 23-ի N 97-Ն հրամանով սահմանված պահանջների վերաբերյալ

ՀՀ առողջապահական և աշխատանքի տեսչական մարմնում տեղի է ունեցել հերթական իրազեկման սեմինարը՝ ՀՀ առողջապահության նախարարի 2021 թվականի դեկտեմբերի 23-ի N 97-Ն հրամանով սահմանված պահանջների վերաբերյալ:

Ըստ այդմ՝ փոփոխություն է կատարվել նախարարի 2015 թվականի սեպտեմբերի 10-ի «Բժշկական նշանակության արտադրատեսակների մաքրմանը, ախտահանմանը, նախամանրէազերծմանը և մանրէազերծմանը ներկայացվող պահանջներ» N 3.1.1-029-2015 սանիտարական կանոնները և հիգիենիկ նորմատիվները հաստատելու մասին» N 48-Ն հրամանում։

Սեմինարը վարել են Տեսչական մարմնի Հիգիենիկ, սանիտարահիգիենիկ և հակահամաճարակային վերահսկողության վարչության բժիշկ-համաճարակաբաններ Արմենուհի Ներսիսյանը և Ժանետա Պետրոսյանը։

Բժշկական կազմակերպությունների չորս տասնյակից ավելի ներկայացուցիչներին մասնագետները թեմատիկ ներկայացման միջոցով ծանոթացրել են հրամանին, կատարված փոփոխություններին։

Տեղի է ունեցել նաև հարց ու պատասխան, քննարկում։