Месяц: Ноябрь 2021

Հուշագիր՝ ՀՀ առողջապահական և աշխատանքի տեսչական մարմնի և Զինվորի տան միջև

ՀՀ առողջապահական և աշխատանքի տեսչական մարմնի ղեկավար Հակոբ Ավագյանը և «Աջակցություն վիրավոր զինվորներին և զինվորական հաշմանդամներին» բարեգործական ՀԿ նախագահ Հայկուհի Մինասյանը ստորագրել են համագործակցության հուշագիր։

Համագործակցության նպատակն է աջակցել զինվորական ծառայության ընթացքում վնասվածք, խեղում կամ հիվանդություն ձեռք բերած անձանց, ինչպես նաև նրանց ընտանիքի անդամներին՝ կազմակերպելով անվճար դասընթացներ մարդկային ռեսուրսների կառավարման ոլորտին առնչվող ՀՀ օրենսդրության ուսուցման թեմաներով։

Կողմերը համագործակցելու են հետևյալ ուղղություններով՝

✔ Տեսչական մարմնի մասնագետների կողմից 2022 թվականի հունվար-դեկտեմբերին դասընթացների անցկացում,
✔ Կենտրոնի կողմից դասընթացների կազմակերպման գործում տեխնիկական աջակցության տրամադրում և լսարանի ապահովում,
✔ Կողմերի աջակցության տրամադրում՝ դասընթացը հաջողությամբ ավարտած շահառուներին աշխատանքի ընդունվելու, ինչպես նաև պրակտիկա անցկացնելու հարցում և այլն։

ԵՊԲՀ ռեկտոր Արմեն Մուրադյանն ու Զինվորի տան տնօրենը ԱԱՏՄ ներկայացուցիչներին ծանոթացրել են նաև Զինվորի տանը կատարվող աշխատանքներին:

Տեսչական մարմինը վերազինվում է

Տեսչական մարմինը, իր բյուջեի խնայողությունների հաշվին, շարունակում է համալրվել անհրաժեշտ համակարգչային տեխնիկայով և գույքով։

Տեսչական մարմնի կառավարման խորհրդի օգոստոսի 13-ի որոշմամբ, բյուջեի վերաբաշխումով, մարզային գրասենյակների, ինչպես նաև աշխատանքային իրավունքի վերահսկողության լիազորություններով պայմանավորված նոր աշխատակիցները կունենան նվազագույն աշխատանքային պայմաններ:

 

ԱԱՏՄ ներկայացուցիչը՝ «Աշխատանքի անվտանգությունը գյուղատնտեսության ոլորտում, թունաքիմիկատների օգտագործման խնդիրներ» թեմայով կլոր-սեղանին

ԱԱՏՄ աշխատողների առողջության պահպանման և անվտանգության ապահովման վերահսկողության բաժնի գլխավոր տեսուչ Ստեփան Շահումյանը մասնակցել է Ագրոարհմիության և «Ամերիքն Սենթեր Ֆոր Ինթերնեյշնլ Լեյբոր Սոլիդարիթի» Հայաստանի մասնաճյուղի կազմակերպած՝ «Աշխատանքի անվտանգությունը գյուղատնտեսության ոլորտում, թունաքիմիկատների օգտագործման խնդիրներ» թեմայով կլոր-սեղանին։

Ստեփան Շահումյանը ներկայացրել է վերոնշյալ ոլորտում Տեսչական մարմնի վերահսկողական գործառույթը, խոսել է իրականացվող կանխարգելիչ և իրազեկման աշխատանքների մասին։ Միջոցառման մասնակիցները կարևորել են տեսչական վերահսկողությունը։

Քննարկումների և ելույթների արդյունքում արձանագրվել է, որ անհրաժեշտ է նախաձեռնել աշխատանքային խումբ։ Ներկաները պատրաստակամություն են հայտնել մասնակցել այդ աշխատանքներին, իրենց լիազորությունների շրջանակում։

Տեղի է ունեցել քննարկում։ Տեսչական մարմնի մասնագետը պատասխանել է ներկաների հարցերին։