ՀՀ առողջապահական և աշխատանքի տեսչական մարմնի Հյուսիսային տարածքային կենտրոնի և ՀՀ քաղաքաշինության, տեխնիկական և հրդեհային անվտանգության տեսչական մարմնի Լոռու տարածքային բաժինը, Ոստիկանության Լոռու մարզային վարչության Վանաձորի Բազումի բաժինը, Ճանապարհային ոստիկանության 2-րդ սպայական գումարտակի 5-րդ սպայական վաշտի 1-ին սպայական դասակը համատեղ Covid-19-ի կանխարգելմանն ուղղված վերահսկողություն են իրականացրել Վանաձորի հանրային տրանսպորտում։
Ստուգվել է շուրջ 30 միկրոավտոբուս։ Ստուգման պահին 10 ավտոբուս երթևեկել է գերբեռնված։ Կանգնած ուղևորներն իջեցվել են, վարորդներից մեկի նկատմամբ ոստիկանության կողմից տեղում կազմվել է արձանագրություն և նշանակվել տուգանք։ Միկրոավտոբուսներում եղել են առանց դիմակի ուղևորներ, նրանց պարտադրվել է կրել դիմակ, ովքեր իրենց մոտ չեն ունեցել՝ իջեցվել են տրանսպորտային միջոցից։
Որոշ միկրոավտոբուսներում ախտահանիչ նյութերի տարաները դատարկ են եղել. վարորդներին տրվել է զգուշացում։
© 2019