Автор: Admin

Առողջապահական և աշխատանքի տեսչական մարմնի տեսուչների կողմից շարունակվում են իրազեկման սեմինարները։ Հերթական սեմինարն անցկացվել է «Էրեբունի» բժշկական կենտրոն» ՓԲԸ-ում, որին մասնակցել են բժշկական կենտրոնի շուրջ 50 բուժաշխատողներ։

Տեսչական մարմնի Երևան քաղաքի տարածքային կենտրոնի բժշկական օգնության և սպասարկման վերահսկողության բաժնի պետ-տեսուչ Նաիրա Մերվազյանը բժշկական կենտրոնի բուժանձնակազմին ներկայացրել է «Բնակչության բժշկական օգնության և սպասարկման», «Լիցենզավորման մասին» ՀՀ օրենքները, 2024 թվականին ընդունված և ուժի մեջ մտած նորմատիվ իրավական ակտերը, անաշխատունակության թերթիկների տրամադրման կարգը, շարունակական մասնագիտական զարգացման հավաստագրի առկայության և այլ պետություններում բժշկական կրթություն ստացած անձանց փաստաթղթերի փոխճանաչման վերաբերյալ իրավակարգավորումները։

Անդրադարձ է կատարվել նաև բուժաշխատողների և բժշկական հաստատությունների կողմից պարբերաբար թույլ տրվող խախտումներին, որոնք արձանագրվել են Տեսչական մարմնի վերահսկողական աշխատանքների ընթացքում։

Բուժաշխատողները հարցեր են ուղղել Տեսչական մարմնի ներկայացուցչին և ստացել պատասխաններ. Տեսչական մարմնի լիազորությունների շրջանակից դուրս հարցերն ուղղորդել են ներկայացնել համապատասխան մարմիններ։

 

 

Առողջապահական և աշխատանքի տեսչական մարմնի մասնագիտական ստորաբաժանումների աշխատակիցները շարունակում են իրազեկման սեմինարները։ Հերթական սեմինարը 2024 թվականի հոկտեմբերի 9-ին անցկացվել է Երևան քաղաքում բժշկական օգնություն և սպասարկում իրականացնող «Աստղիկ բժշկական կենտրոն» ՓԲԸ-ում։

Տեսչական մարմնի բժշկական օգնության և սպասարկման վերահսկողության վարչության պետի պարտականությունները կատարող Աննա Կասպարյանի և Տեսչական մարմնի Երևան քաղաքի տարածքային կենտրոնի բժշկական օգնության և սպասարկման վերահսկողության բաժնի պետ-տեսուչ Նաիրա Մերվազյանի անցկացրած  իրազեկման սեմինարին մասնակցել են «Աստղիկ բժշկական կենտրոնի» շուրջ 70  բուժաշխատողներ։

Տեսչական մարմնի տեսուչները ներկայացրել են «Բնակչության բժշկական օգնության և սպասարկման», «Լիցենզավորման մասին»  ՀՀ օրենքները, 2024 թվականին ընդունված և ուժի մեջ մտած նորմատիվ իրավական ակտերը, մասնավորապես, «Բժշկական միջամտության համար գրավոր համաձայնություն տալու դեպքերը սահմանելու մասին» Առողջապահության նախարարի հրամանը և հրամանով սահմանված ձևաչափով բժշկական փաստաթղթի վարման և լրացման դեպքերը։

Տեղի է ունեցել հարց ու պատասխան․ Մասնագետները պատասխանել են մասնակիցների հարցերին. Տեսչական մարմնի լիազորությունների շրջանակից դուրս հարցերն ուղղորդել են ներկայացնել համապատասխան մարմիններ։

 
 

 

 

ՀՀ Առողջապահության նախարարի թիվ 4917-Ա հրամանով «Լեհաստանի Գեդեոն Ռիխտեր Լեհաստան Սպ.զ.օ.օ., ուլ. Կս. Ջ.Պոնիատովսկիեգո 5, Գրոդզիսկ Մազովեցկի, 05-825- որակի և բաց թողնման հսկող, Գեդեոն Ռիխտեր Լեհաստան  Սպ.զ.օ.օ., ուլ. Գրանիչնա 35, Գրոդզիսկ Մազովեցկի, 05-825, Լեհաստան- բալք արտադրող, փաթեթավորող արտադրության, դեղի գրանցման հավաստագրի իրավատեր` Գեդեոն Ռիխտեր ԲԲԸ, Գյոմրոի ճ. 19-21, 1103 Բուդապեշտ, Հունգարիա, «Օստալոն, ալենդրոնաթթու (ալենդրոնատ նատրիումի տրիհիդրատ), դեղահատեր թաղանթապատ, 70մգ; (4/1×4/) բլիստերում» դեղի գրանցունը ճանաչվել է ուժը կորցրած։