Автор: Admin

Առողջապահական և աշխատանքի տեսչական մարմնի Արևմտյան տարածքային կենտրոնի մասնագետները նոյեմբերի 12-ին հերթական սեմինարն են անցկացրել Արմավիրի մարզի դպրոցների 130  ներկայացուցիչների համար։ Մասնակցել են Տեսչական մարմնի Արևմտյան տարածքային կենտրոնի պետ Գնել Սարգսյանը, Արմավիրի մարզպետի խորհրդական Արման Խաչատրյանը, Մարզպետի աշխատակազմի կրթության, մշակույթի և սպորտի վարչության պետ Սոնյա Բուդաղյանը։

Թեմաներն են՝

• ՀՀ աշխատանքային օրենսգրքով սահմանված նորմեր, աշխատանքային օրենսգրքի առանձին դրույթների կիրարկման առանձնահատկություններ, ինչպես նաև օրենսդրությունում կատարված փոփոխությունները,
• Հիգիենիկ և հակահամաճարակային հսկողություն՝ ջերմային ռեժիմ և սուր շնչառական վարակներ։

Ներկայացրել են`
Արևմտյան տարածքային կենտրոնի Էջմիածնի բաժնի պետ-տեսուչ Դավիթ Ղազարյանը,   տարածքային կենտրոնի աշխատանքային օրենսդրության վերահսկողության բաժնի պետ-տեսուչի պարտականությունները կատարող Տաթևիկ Համբարձումյանը և Էջմիածնի բաժնի ավագ տեսուչ Արման Աղիկյանը։

Տեսչական մարմնի մասնագետները պատասխանել են մասնակիցների աշխատանքային հարցերին։

ՀՀ առողջապահական և աշխատանքի տեսչական մարմնի Արևմտյան տարածքային կենտրոնի տեսուչները նոյեմբերի 5-ին իրազեկման սեմինար են անցկացրել Մասիս խոշորացված համայնքի նախադպրոցական և համայնքային ենթակայությամբ գործող կազմակերպությունների 50-ից ավելի ներկայացուցիչների համար։

Սեմինարի մասնակիցներին ողջունել է Մասիս խոշորացված համայնքի կրթության, սպորտի,  մշակույթի, երիտասարդության և առողջապահության բաժնի պետ Տիգրան Բաբախանյանը։

Տեսչական մարմնի տարածքային կենտրոնի պետ Գնել Սարգսյանը ողջունելով մասնակիցներին ներկայացրել է Տեսչական մարմնի առաջնահերթությունները, սկզբունքները և աշխատանքային առանձնահատկությունները։

Հիգիենիկ սանիտարահիգիենիկ և հակահամաճարակային վերահսկողության բաժնի պետ-տեսուչ Հասմիկ Հարությունյանը ներկայացրել է օրենսդրությամբ պահանջվող հիգիենիկ նորմերի և ոլորտը կարգավորող իրավական՝ գործող և նոր ընդունված իրավական ակտերը՝ հաշվի առնելով նաև սեզոնային սուր շնչառական հիվանդությունների ակտիվության շրջանը։

ՀՀ աշխատանքային օրենսգրքով սահմանված նորմերի, աշխատանքային օրենսգրքի առանձին դրույթների կիրարկման առանձնահատկությունները, ինչպես նաև օրենսդրությունում կատարված փոփոխությունները մասնակիցներին ներկայացրել է Տարածքային կենտրոնի աշխատանքային օրենսդրության վերահսկողության բաժնի պետի պարտականությունները կատարող Տաթևիկ Համբարձումյանը։

Տեղի է ունեցել նաև հարց ու պատասխան։ Սեմինարի մասնակիցները ստացել են իրենց հետաքրքրող մասնագիտական հարցերի պատասխանները։

 
 

ՀՀ առողջապահական և աշխատանքի տեսչական մարմնի ղեկավար, Աշխատանքի տեսչական մարմինների Միջազգային Ասոցիացիայի փոխնախագահ Սլավիկ Սարգսյանը հոկտեմբերի 17-ից 18-ը Իսպանիայի Կորդոբա քաղաքում մասնակցել է Աշխատանքի տեսչությունների միջազգային ասոցիացիայի հերթական հանդիպմանը:

Հանդիպմանը քննարկվել է 2024-2027 թվականների տեխնիկական խորհրդատուների և տարածաշրջանային պատասխանատուների նշանակման հարցը, որի արդյունքում ՀՀ առողջապահական և աշխատանքի տեսչական մարմնի ղեկավար Սլավիկ Սարգսյանն ընտրվել է տարածաշրջանային երկրների (ԱՊՀ և Մոնղոլիա) պատասխանատու։

Հանդիպման ընթացքում քննարկվել են նաև 2024 թվականի հունիսի 14-ին կայացած գլխավոր համագումարից բխող հետագա գործողությունները,աշխատողների առողջության պահպանման և անվտանգության ապահովման նկատմամբ վերահսկողության միջազգային չափանիշները։

Ներկայացվել են նաև սեպտեմբերին Թայվանում տեղի ունեցած Աշխատանքի միջազգային համաժողովի և Նորվեգիայի Տրոնհեյմ քաղաքում կայացած Աշխատանքի տեսչությունների երկրորդ միջազգային աշխատաժողովի հաշվետվութունները։

Ավելի վաղ՝ սույն թվականի հունիսին Առողջապահական և աշխատանքի տեսչական մարմնի ղեկավար Սլավիկ Սարգսյանն ընտրվել էր Աշխատանքի տեսչական մարմինների Միջազգային Ասոցիացիայի փոխնախագահ՝ 4 տարի ժամկետով։