Автор: Admin

Հայաստանի Հանրապետության առողջապահական և աշխատանքի տեսչական մարմնի ղեկավար Սլավիկ Սարգսյանի գլխավորությամբ դեկտեմբերի 30-ին տեղի է ունեցել աշխատանքային տարեվերջյան քննարկում։

Քննարկմանը մասնակցել են Տեսչական մարմնի ղեկավարի տեղակալները, Տեսչական մարմնի տարածքային կենտրոնների պետերը և մասնագիտական կառուցվածքային ստորաբաժանումների ղեկավարները։

Քննարկման ընթացքում բարձրացվել են անցնող աշխատանքային տարվա ընթացքում հանդիպած խնդիրները և մարտահրավերները, ինչպես նաև ընդգծվել են ձեռքբերումները։ Մատնանշվել են ընդհանուր աշխատանքային սկզբունքներ՝ նպատակ ունենալով Տեսչական մարմնի գործունեությունը դարձնել առավել համակարգված և արդյունավետ։

Քննարկվել են նաև 2025 թվականին Տեսչական մարմնի անելիքները:

Քննարկման ավարտին Տեսչական մարմնի ղեկավարը շնորհավորել է գործընկերների գալիք Ամանորը և Սուրբ ծնունդը՝ մաղթելով առողջություն և հաջողություններ աշխատանքում։

• ՀՀ առողջապահական և աշխատանքի տեսչական մարմնի կողմից «ՆԱՏԱԼԻ ՖԱՐՄ» ՍՊ ընկերությանը 26.12.2024 թ.-ին տրվել է կարգադրագիր՝ «Օքսիպրոգեստերոնի կապրոնատ (հիդրօքսիպրոգեստերոն (հիդրօքսիպրոգեստերոն կապրոատ)) 125 մգ/մլ լուծույթ յուղային ներարկման (10/2×5⁄) ամպուլներ 1մլ բլիստերում», սերիա՝ 10323, պիտանելիության ժամկետ՝ 01.03.2028), արտադրող՝ Դալքիմֆարմ ԲԲԸ, Ռուսաստան դեղերի շրջանառությունը դադարեցնելու և հետկանչի մասին։

Կարգադրագրի հիմք է հանդիսացել «Դեղերի և բժշկական տեխնոլոգիաների փորձագիտական կենտրոն» ՊՈԱԿ-ի կողմից 2024 թվականի դեկտեմբերի 24-ին ստացված թիվ EL/01/3800-24 գրությանը կից՝ փորձաքննության եզրակացությունը՝ ըստ որի Դեղերի Եվրոպական գործակալությունը և ԱՄՆ դեղերի և սննդի վարչությունը կասեցրել է հիդրօքսիպրոգեստերոն կապրոատ պարունակող դեղերի շրջանառությունը՝ անվտանգության և արդյունավետության նկատառումներով՝ հիմք ընդունելով մի շարք դեղահամաճարակաբանական հետազոտությունների, կլինիկական փորձարկումների արդյունքները,  որոնց համաձայն դեղի օգուտ-ռիսկ հարաբերակցությունը գնահատվում է ոչ դրական՝ գրանցված բոլոր ցուցումների համար։

Հաշվի առնելով վերոգրյալը և այն հանգամանքը, որ առկա է հետկանչի ենթակա երկրորդ դասի թերություն՝ առողջությունը ռիսկի ենթարկող կամ ոչ լիարժեք բուժման պատճառ հանդիսացող թերություն՝ տրվել է կարգադրագիր վերոնշյալ դեղերի շրջանառությունը դադարեցնելու և հետկանչ իրականացնելու մասին։

• ՀՀ առողջապահական և աշխատանքի տեսչական մարմնի կողմից «ԹԵՈՖԱՐՄԱ ԻՄՊՈՐՏ» ՍՊ ընկերությանը 26.12.2024 թ.-ին տրվել է կարգադրագիր՝ «Պրոգեստերոն Դեպո (հիդրօքսիպրոգեստերոն (հիդրօքսիպրոգեստերոն կապրոատ)) 250 մգ/մլ լուծույթ ներարկման (5) ամպուլներ 1 մլ» սերիա՝ 55001 (պիտանելիության ժամկետ՝ 30.09.2026), արտադրող՝ Գալենիկա ա.դ, Սերբիա և «Պրոգեստերոն Դեպո (հիդրօքսիպրոգեստերոն (հիդրօքսիպրոգեստերոն կապրոատ)) 250 մգ/մլ լուծույթ ներարկման (5) ամպուլներ 1 մլ», սերիա՝ 559202 (պիտանելիության ժամկետ՝ 30.04.2025), արտադրող՝ Պանֆարմա ԳմբՀ Գերմանիա դեղերի շրջանառությունը դադարեցնելու և հետկանչի մասին։

Կարգադրագրի հիմք է հանդիսացել «Ակադեմիկոս Է. Գաբրիելյանի անվան դեղերի և բժշկական տեխնոլոգիաների փորձագիտական կենտրոն» ՊՈԱԿ-ի կողմից 2024 թվականի դեկտեմբերի 24-ին ստացված թիվ EL/01/3800-24 գրությանը կից՝ փորձաքննության եզրակացությունը՝ ըստ որի Դեղերի Եվրոպական գործակալությունը և ԱՄՆ դեղերի և սննդի վարչությունը կասեցրել է հիդրօքսիպրոգեստերոն կապրոատ պարունակող դեղերի շրջանառությունը՝ անվտանգության և արդյունավետության նկատառումներով՝ հիմք ընդունելով մի շարք դեղահամաճարակաբանական հետազոտությունների, կլինիկական փորձարկումների արդյունքները,  որոնց համաձայն դեղի օգուտ-ռիսկ հարաբերակցությունը գնահատվում է ոչ դրական՝ գրանցված բոլոր ցուցումների համար։

Հաշվի առնելով վերոգրյալը և այն հանգամանքը, որ առկա է հետկանչի ենթակա երկրորդ դասի թերություն՝ առողջությունը ռիսկի ենթարկող կամ ոչ լիարժեք բուժման պատճառ հանդիսացող թերություն՝ տրվել է կարգադրագիր վերոնշյալ դեղերի շրջանառությունը դադարեցնելու և հետկանչ իրականացնելու մասին։

Հարգելի´ քաղաքացիներ, քանի որ առկա է հետկանչի ենթակա երկրորդ դասի թերություն՝ խնդրում ենք ուշադիր լինել և խուսափել տվյալ դեղի վերոնշյալ սերիաների օգտագործումից։