2025 թվականի հունիսի 20-ին Հռոմում (Իտալիայի Հանրապետություն), Առողջապահական և աշխատանքի տեսչական մարմնի ղեկավար Սլավիկ Սարգսյանը՝ որպես փոխնախագահ, մասնակցել է Աշխատանքի տեսչական մարմինների միջազգային ասոցիացիայի (IALI) Գործադիր կոմիտեի հերթական նիստին, որին մասնակցել են նաև IALI նախագահ Հո Սիոնգ Հինը (Սինգապուր), գլխավոր քարտուղար Անա Էրկորեկան (Իսպանիա), գանձապետ Քրիստոֆ Իսելիին (Շվեյցարիա) և ևս 3 փոխնախագահներ (ԱՄՆ, Ֆրանսիա, Նորվեգիա)։
Նիստին քննարկվել են ոլորտի զարգացմանը միտված արդիական հարցեր, այդ թվում՝ ներկայացվել է Աշխատանքի միջազգային կազմակերպության (ԱՄԿ) 113-րդ համաժողովի ժամանակ քննարկված թեմաները, «Օսակա 2025» համաշխարհային ցուցահանդեսի շրջանակում իրականացվող նախաձեռնությունները, Կանադայում իրականացվող IBOR ծրագիրը, ինչպես նաև ֆինանսական և ընթացիկ կազմակերպչական հարցեր։
IALI-ը համախմբելով շուրջ 100 երկրների տեսչական մարմինների միտված է աշխարհի տարբեր երկրների միջև փորձի փոխանակմանը, աշխատողների իրավունքների պաշտպանությանը, փոխգործակցության խորացմանը և ինքնին հանդիսանում է աշխատանքի ոլորտում գործող տեսչական մարմինների միավորման առանցքային հարթակ՝ վերահսկողության ընթացքում առաջացած խնդիրների քննարկման և անհրաժեշտ հանգուցալուծման, ինչպես նաև մասնագիտական կարողությունների զարգացման համար։
© 2019