Автор: Admin

 

ՀՀ առողջապահական և աշխատանքի տեսչական մարմինը, աշխատանքի անվտանգության ինժեներների նախաձեռնող խմբի հետ համատեղ հրավիրում է Աշխատանքային օրենսդրության ոլորտի իրազեկման սեմինարի։

Սեմինարի թեման՝ «Աշխատանքային իրավունքի, ինչպես նաև աշխատողների առողջության պահպանման և անվտանգության ապահովման խնդիրները աշխատավայրում»։

Սեմինարի ընթացքում կներկայացվի ՀՀ աշխատանքային օրենսգրքում կատարված վերջին փոփոխությունները, անդրադարձ կկատարվի ստուգումների կազմակերման և իրականացման մասին, ինչպես նաև կներկայացվի աշխատողների առողջության պահպանման և անվտանգության ապահովման խնդիրները աշխատավայրում, ներկայացնելով շինարարության ոլորտի խնդիրները։

Սեմինարը կկայանա հուլիսի 15-ին, ժամը 15:00-ին։ Գրանցման համար խնդրում ենք հայտն ուղարկել press@hlib.am էլեկտրոնային հասցեին, նշելով՝ Ձեր անուն/ազգանունը, կազմակերպության անվանումը, զբաղեցրած պաշտոնը, հեռախոսահամարը և էլեկտրոնային հասցեն։

Անցկացման վայրը՝ Վան բիզնես կենտրոն, ք. Երևան, Թումանյան փող., 23 շենք, հեռ. 010 65 03 05։

«Իրազեկում ճամբարականների համար» նախաձեռնության շրջանակներում Առողջապահական և աշխատանքի տեսչական մարմնի ղեկավարի տեղակալ Թագուհի Հակոբյանն այս անգամ այցելել է Հանքավանի «Արագած» և «Հեքիաթային կիրճ» ճամբարներ, որտեղ իրականացրել է իրազեկման սեմինար ճամբարական երեխաների, ինչպես նաև՝ անձնակազմի համար։

Այցին մասնակցել են հիգիենիկ, սանիտարահիգիենիկ և հակահամաճարակային վերահսկողության վարչության պետ Աննա Հարությունյանը, արևելյան տարածքային կենտրոնի բաժնի պետ Նելլի Աբրահամյանը։

Թագուհի Հակոբյանը ճամբարների անձնակազմի հետ քննարկել է Տեսչական մարմնի լիազորությունների շրջանակներում գտնվող և ճամբարների գործունեությանն առնչվող օրենսդրական պահանջները, պարզաբանել է աշխատակիցների կողմից ներկայացված մի շարք հարցադրումներ։

Հետաքրքիր քննարկում է ծավալվել երեխաների հետ. վերջիններս ծանոթացել են Տեսչական մարմնի գործառույթներին, առավել կարևորություն ունեցող վերահսկողական գործընթացներին, ինչպես նաև՝ ուսումնական հաստատություններին ներկայացվող օրենսդրական պահանջներին, որոնք անմիջապես առնչվում են երեխաներին։ Անդրադարձ է կատարվել առանձին վարակիչ հիվանդությունների առաջացման և տարածման կանխարգելմանը։

Քննարկումն ընթացել է երեխաների ակտիվ ներգրավմամբ՝ հարց ու պատասխանի միջոցով, որի ընթացքում Թագուհի Հակոբյանը շփվել է երեխաների հետ, պատասխանել նրանց հետաքրքրող բազմաբնույթ հարցերին։

Հարկ է նշել, որ Տեսչական մարմնի ղեկավարի տեղակալի այցելած՝ Հանքավանի «Լուսաբաց», «Հասմիկ», «Արագած» և «Հեքիաթային կիրճ» ճամբարներում իրենց հանգիստն են անցկացնում դպրոցահաuակ երեխաների 2025 թվականի ամառային հանգuտի կազմակերպման ծրագրից օգտվելու իրավունք ունեցող ընտանիքների երեխաները։ Ծրագրից օգտվելու իրավունքը  սահմանված է ՀՀ վարչապետի համապատախան որոշմամբ, իսկ ծրագիրն իրականցվում է ՀՀ կառավարության ֆինանսավորմամբ։

 

Առողջապահական և աշխատանքի տեսչական մարմնի ղեկավարի տեղակալ Թագուհի Հակոբյանն այցելել է Հանքավանի «Լուսաբաց» և «Հասմիկ» ճամբարներ, որտեղ իրականացրել է իրազեկման սեմինար ճամբարական երեխաների համար։

Այցին մասնակցել են հիգիենիկ, սանիտարահիգիենիկ և հակահամաճարակային վերահսկողության վարչության պետ Աննա Հարությունյանը, արևելյան տարածքային կենտրոնի պետ Վահագն Մարտիրոսյանը և կենտրոնի բաժնի պետ Նելլի Աբրահամյանը։

Երեխաները ծանոթացել են Տեսչական մարմնի գործառույթներին. այդ շրջանակներում ներկայացվել են մի շարք սանիտարական նորմերի և կանոնների առանձին պահանջներ, այդ թվում՝ հենց դպրոցահասակ երեխաներին առնչվող։ Մասնավորապես՝ պարզաբանվել են խմելու ջրի նկատմամբ Տեսչական մարմնի կողմից իրականացվող վերահսկողութան կարևորությունը, մեկնաբանվել են դպրոցում դասացուցակի կազմմանը, պայուսակների ծանրաբեռնվածությանը, երեխաների հասակային առանձնահատկություններին համապատասխան նստեցմանը և վարակիչ հիվանդությունների կանխարգելմանն առնչվող մի շարք նորմեր։

Սեմինարի ընթացքում ծավալվել է բավականին հետաքրքիր ինտերակտիվ քննարկում, որի ընթացքում Թագուհի Հակոբյանը շփվել է երեխաների հետ, պատասխանել նրանց հետաքրքրող հարցերին։

Սեմինարի ավարտից հետո Տեսչական մարմնի ներկայացուցիչները պատասխանել են ճամբարների ղեկավարության և սպասարկող անձնակազմի՝ Տեսչական մարմնի լիազորություններին առնչվող հարցերին։