Автор: Admin

Սեմինար-քննարկում՝ Տեսչական մարմնում

ՀՀ առողջապահական և աշխատանքի տեսչական մարմինը հրավիրում է սեմինար-քննարկման՝ «Աշխատանքային օրենսդրության մեջ կատարված փոփոխությունները և ՀՀ աշխատանքային օրենսգրքի առանձին դրույթների կիրառման առանձնահատկությունները» թեմայով։

Սեմինարը կվարեն Տեսչական մարմնի աշխատանքային օրենսդրության իրավական վերահսկողության բաժնի մասնագետները։

Սեմինար-խորհրդատվությունը կկայանա սույն թվականի օգոստոսի 12-ին, ժամը 16:00-ին։

Ցանկացողները կարող են մասնակցության համար դիմում ուղարկել՝ press@hlib.am էլեկտրոնային հասցեին։ Անցկացման վայրը՝ ք. Երևան, Նորք-Մարաշ, Արմենակ Արմենակյան 129, 5-րդ հարկ։

Իրազեկման աշխատանքներ՝ թիվ 17 պոլիկլինիկայում

Առողջապահական և աշխատանքի տեսչական մարմնի Երևան քաղաքի տարածքային կենտրոնի մասնագետներն իրազեկման աշխատանքներ են իրականացրել թիվ 17 պոլիկլինիկայում:

Մասնակցել են Երևանի քաղաքապետարանի առողջապահության վարչության պետի տեղակալները և Երևանի քաղաքապետարանի ենթակայությամբ գործող արտահիվանդանոցային և հիվանդանոցային բժշկական օգնություն և սպասարկում իրականացնող կազմակերպությունների ղեկավարությունը։

Հանդիպում-քննարկման ժամանակ ներկայացվել են ՀՀ օրենսդրությամբ սահմանված բժշկական փաստաթղթերի լրացման, վարման և շրջանառման պահանջները, անաշխատունակության թերթիկների տրամադրման կարգը, ՀՀ կառավարության 2019 թ․-ի օգոստոսի 15-ի «Դեղատոմսեր գրելու, դեղեր բաց թողնելու (ներառյալ` էլեկտրոնային եղանակով) կարգը, դեղատոմսերի ձևերը, ինչպես նաև դեղերի և դեղանյութերի հաշվառման կարգը սահմանելու և ՀՀ կառավարության 2017 թ․-ի նոյեմբերի 9-ի N 1402-Ն որոշումն ուժը կորցրած ճանաչելու մասին» N 1080-Ն որոշումը։

Տեսչական մարմնի մասնագետները պատասխանել են տնտեսավարող սուբյեկտների ղեկավարների բոլոր հարցերին։

home

Տեսչական մարմինը վաստակած հանգստի է ճանապարհել Որակի ապահովման վարչության աշխատակից Սիլվա Սևոյանին

 

ՀՀ առողջապահական և աշխատանքի տեսչական մարմինը վաստակած հանգստի է ճանապարհել Տեսչական մարմնի որակի ապահովման վարչության երկարամյա աշխատակից Սիլվա Սևոյանին։

Տեսչական մարմնի ղեկավար Հակոբ Ավագյանը շնորհակալություն է հայտնել նվիրումի և բարեխիղճ աշխատանքի համար։

Կառույցի կողմից նրան շնորհվել է շնորահակալագիր։ ԱԱՏՄ արհմիության նախագահ Մարիետտա Հախվերդյանը հուշանվեր է հանձնել։

ԱԱՏՄ անձնակազմը շնորհավորում է Սիլվա Սևոյանին վաստակած հանգստի անցնելու կապակցությամբ և շնորհակալություն հայտնում անձնվեր աշխատանքի համար: