Месяц: Февраль 2025

Գրիպի և սուր շնչառական վարակների սեզոնայնությամբ պայմանավորված, հիվանդացության նվազեցման և վարակի հետագա տարածումը կանխարգելելու նպատակով նախադպրոցական և դպրոցական ուսումնական հաստատությունների ղեկավարներին հակահամաճարակային աշխատանքները կազմակերպել՝ հիմք ընդունելով ՀՀ առողջապահության նախարարի 2024   թվականի փետրվարի 12-ի N 50-Ն հրամանով հաստատված «Նախադպրոցական ուսումնական հաստատություններին ներկայացվող պահանջներ» 2.1.2.001-24 սանիտարական կանոններով և հիգիենիկ նորմատիվներով, ՀՀ առողջապահության նախարարի 2017 թվականի մարտի 28-ի  N 12-Ն հրամանով հաստատված «Հանրակրթական ծրագրեր իրականացնող ուսումնական հաստատութ յուններին ներկայացվող պահանջներ» N 2.2.4-016-17 սանիտարական կանոններով և նորմերով, ինչպես նաև ՀՀ առողջապահության նախարարի 2010 թվականի դեկտեմբերի 17-ի N 34-Ն հրամանով հաստատված «Հայաստանի Հանրապետությունում գրիպի և սուր շնչառական վարակների համաճարակաբանական հսկողություն» սանիտարահամաճարակային կանոններով և նորմերով սահմանված պահանջները։ Մասնավորապես՝

Նախադպրոցական ուսումնական հաստատություններին.

• Առավոտյան ընդունելության ժամանակ ծնողներից հարցման եղանակով տեղեկանալ երեխայի առողջական վիճակի մասին,
• Իրականացնել սուր շնչառական վարակներին բնորոշ (հարբուխ, հազ, ջերմություն, փռշտոց) ախտանշաններով հիվանդ երեխաների ամենօրյա ակտիվ հայտնաբերումը,
• Զննման ժամանակ հայտնաբերված հիվանդ և հիվանդության կասկածով երեխաներին չընդունել կազմակերպություն, օրվա ընթացքում հայտնաբերված վատառողջ երեխաներին մեկուսացնել,
• Ամեն օր օդափոխել տարածքը, խմբերում օդափոխությունը կատարել միայն երեխաների բացակայության ժամանակ,
• Օդի ջերմային ռեժիմի հսկողությունը իրականացնել սենքերի պատերի ներքին մակերեսին, 0,8-ից 1,2մ բարձրության վրա ամրացված կենցաղային ջերմաչափերի (սնդիկ չպարունակող) միջոցով:
• Հնարավորինս սահմանափակել զանգվածային միջոցառումները,
• Պահպանել խմբային մեկուսացումը, սահմանափակել երեխաների միջխմբային շփումները
• Կատարել ամենօրյա խոնավ մաքրում օրը 2 անգամ,
• Հիվանդացած երեխաներին թույլատրել հաճախել ապաքինումից հետո՝ առաջնային պահպանման հաստատության կողմից տրված տեղեկանքով։

Հանրակրթական ծրագրեր իրականացնող ուսումնական հաստատություններին.

• Սուր շնչառական վարակների սեզոնի ընթացքում հաստատությունում ապահովել սուր շնչառական վարակներին բնորոշ (հարբուխ, հազ, ջերմություն, փռշտոց, տկարություն) ախտանշաններով հիվանդ երեխաների ամենօրյա ակտիվ հայտնաբերումը միջին բուժաշխատողի կողմից,
• Հայտնաբերված հիվանդ երեխաներին և ուսուցչական անձնակազմին անմիջապես տեղափոխել բուժկետ՝ տեղեկացնելով համապատասխան ամբուլատոր-պոլիկլինիկական բժշկական օգնություն և սպասարկում իրականացնողին և անհրաժեշտության դեպքում տեղեկացնել երեխայի ծնողին կամ նրա օրինական ներկայացուցչին՝ երեխային տուն ուղեկցելու համար,
• Հաստատության ուսումնական սենքերը լիարժեք օդափոխել դասամիջոցներին, իսկ դասերի ավարտից հետո և դասերից առաջ, ինչպես նաև առաջին ու երկրորդ հերթափոխերի միջև ընդմիջման ժամանակ կատարել սենքերի միջանցիկ օդափոխություն,
• Հաստատության սենքերում ապահովել օդի համապատասխան ջերմաստիճանները,
• Կատարել սենքերի ամենօրյա խոնավ մաքրում, առնվազն օրը երկու անգամ։

Տեսչական մարմնի «Թեժ գիծ» ծառայությամբ 2024 թվականին ֆիզիկական և իրավաբանական անձանց կողմից ստացվել է 7824 զանգ և 118 Ֆեյսբուքյան հարցում, 2572 զանգով ավելի 2023 թվականի 5252 զանգի համեմատ:

«Թեժ գծով» ստացված զանգերի բաշխումն ըստ ոլորտների՝

• Աշխատանքային օրենսդրության վերահսկողություն՝ 3541 (45%),
• Բնակչության շրջանում սանիտարահամաճարակային անվտանգության ոլորտում՝ 335 (4%),
• Դեղերի շրջանառության վերահսկողություն՝ 104 (1 %),
• Բժշկական օգնության և սպասարկման վերահսկողություն՝ 106 (2%),
• Տեղեկատվություն՝ 2272 (29%),
• ԱԱՏՄ գործառույթից դուրս՝ 1465 (19%),
• Առաջարկ՝ 1։

 

ՀՀ առողջապահական և աշխատանքի տեսչական մարմնի կողմից «ԱԼՄԱ ՖԱՐՄ ԻՄՊՈՐՏ» ՍՊ ընկերությանը 31.01.2025 թ.-ին տրվել է թիվ 0029 կարգադրագիր՝ «Կոնկոր Կոր (բիսոպրոլոլ (բիսոպրոլոլի ֆումարատ)), թաղանթապատ դեղահատեր 2,5 մգ N30 (1×30) բլիստերում դեղի G0280T (պիտանիության ժամկետ՝ 31.10.2026թ.) և G029L8 (պիտանիության ժամկետ՝ 31.12.2026թ.) դեղերի շրջանառությունը դադարեցնելու վերաբերյալ։

Կարգադրագրի հիմք է հանդիսացել «Դեղերի և բժշկական տեխնոլոգիաների փորձագիտական կենտրոն» ՊՈԱԿ-ից  2025 թվականի հունվարի 29-ի թիվ 01/393-25 գրությանը կից ստացված փորձագիտական եզրակացությունը, համաձայն որի՝ «Դեղերի և բժշկական տեխնոլոգիաների փորձագիտական կենտրոն» պետական ոչ առևտրային կազմակերպությունը  ՀՀ-ում գրանցված մի շարք դեղի գրանցման հավաստագրի իրավատեր «Մերկ» ՍՊԸ-ի համար Մերկ Հելթքեյր ԿԳաԱ (Գերմանիա) արտադրության որոշ դեղերի ներմուծողներին միջնորդ կազմակերպությունների կողմից տրամադրված հավաստագրերի տվյալները չեն համապատասխանում բնօրինակներին։

Հաշվի առնելով վերոգրյալը և այն հանգամանքը, որ առկա է հետկանչի ենթակա երրորդ դասի թերության կասկած անհրաժեշտ է դադարեցնել  վերոնշյալ դեղերի շրջանառությունը։

Հարգելի´ քաղաքացիներ, քանի որ առկա է հետկանչի ենթակա երրորդ դասի թերություն՝ խնդրում ենք ուշադիր լինել և խուսափել տվյալ դեղի վերոնշյալ սերիաների օգտագործումից։