ՀՀ առողջապահական և աշխատանքի տեսչական մարմինը դարձել է Աշխատանքի տեսչությունների միջազգային ասոցիացիայի (ԱՏՄԱ) լիիրավ անդամ՝ քվեարկելու ձայնի իրավունքով։
Աշխատանքի տեսչությունների միջազգային ասոցիացիան ունի ավելի քան 100 անդամ ամբողջ աշխարհում:
ԱՏՄԱ-ի հիմնական նպատակներն են՝
-խթանել անդամների պրոֆեսիոնալիզմը,
-անդամների միջև ապահովել փորձի փոխանակում,
-անդամներին տրամադրել խորհրդատվություն՝ մասնագիտական հարցերի վերաբերյալ և այլն։
ՀՀ առողջապահական և աշխատանքի տեսչական մարմնի մասնագետների կողմից Զինվորի տանն անցկացված երկամսյա դասընթացն ավարտվեց։
Այն իրականացվեց կնքված համագործակցության հուշագրի շրջանակներում։
Շաբաթական 2 օր տևողությամբ դասընթացին մասնակցել են զինվորները և նրանց ընտանիքների անդամները։
Դասընթացները վարել են Տեսչական մարմնի Աշխատանքային օրենսդրության իրավական վերահսկողության բաժնի մասնագետները։
Տեսչական մարմինն ու Զինվորի տունը համագործակցության հուշագիր էին կնքել 2021 թ.-ի նոյեմբերի 19-ին։
Դասընթացը հաջողությամբ ավարտած շահառուներին կողմերն աջակցելու են նաև պրակտիկա անցնելու և աշխատանքի ընդունվելու հարցերում:
ՀՀ առողջապահական և աշխատանքի տեսչական մարմինը, հաշվի առնելով գյուղատնտեսական աշխատանքների մեկնարկը, հիշեցնում է՝
Թունաքիմիկատների հետ տարվող աշխատանքը պետք է իրականացնել անհատական պաշտպանության համապատասխան միջոցների օգտագործմամբ, որը նշված է պատրաստուկի նորմատիվային տեխնիկական փաստաթղթում և տարայի պիտակի վրա,
Թունաքիմիկատների հետ տարվող աշխատավայրից անձնակազմի սննդի ընդունման և հանգստի տեղը կազմակերպվում է անվտանգ հեռավորության վրա,
Թունաքիմիկատների հետ աշխատանքի ժամանակ արգելվում է սնունդ ընդունել, խմել, ծխել, հանել անհատական պաշտպանիչ միջոցները: Դա թույլատրվում է հանգստի ժամանակ` ձեռքերը մանրակրկիտ լվանալուց, քթի և բերանի խոռոչները ողողելուց հետո,
Թունաքիմիկատների կիրառումը իրականացվում է սահմանված կարգով հաստատված չափաբաժինների համաձայն, չի թույլատրվում սահմանված չափաբաժինների և մշակումների թվի գերազանցում։
© 2019