ՀՀ Կոտայքի մարզպետարանում այսօր տեղի է ունեցել իրազեկման սեմինար՝ մարզպետարանի ենթակայությամբ գործող բժշկական օգնություն և սպասարկում իրականացնող կազմակերպությունների ղեկավարների և աշխատողների համար։
Սեմինարը վարել է ՀՀ առողջապահական և աշխատանքի տեսչական մարմնի արևելյան տարածքային կենտրոնի հիգիենիկ, սանիտարահիգիենիկ և հակահամաճարակային վերահսկողության բաժնի պետ Նելլի Աբրահամյանը։
Նկատի ունենալով մարզի բժշկական կազմակերպություններում ԱԱՏՄ ստուգայցերի ընթացքում արձանագրված սանիտարական նորմերի խախտումները և հիմք ընդունելով Կոտայքի մարզպետի առաջարկը մասնագետներին ներկայացվել են ՀՀ առողջապահության նախարարի 2020 թվականի օգոստոսի 4-ի 17-Ն հրամանով հաստատված սանիտարական նորմերը։
Քննարկվել են նաև Բժշկական թափոնների անվտանգ գործածության համար սահմանված կետերը, ինչպես նաև պահպահման հետ կապված այլ հարցեր։
Սեմինարին մասնակցել են Կոտայքի մարզպետարանի բուժօգնության և կրթության վարչության պետերը, ՀՎԿԱԿ-ի մասնագետներն ու բժշկական թափոնների հեռացմամբ զբաղվող «Էկոլոգիա» ՍՊ ընկերության պատասխանատուն։
Տեղի է ունեցել հարց ու պատասխան, քննարկում։
© 2019