Месяц: Январь 2021

Հարթակի ստեղծման գործընթացում ներգրավված կողմերն այսօր քննարկել են կայքի աշխատանքին և հայտերի ընդունմանն առնչվող հարցեր։

www.employeeprotect.am կայքը մատչելի է, պարզ և հասանելի։ Հարթակը հնարավորություն է տալիս գրանցել աշխատանքային իրավունքին առնչվող խնդիրները, ընդունել, քննել աշխատողների կողմից ներկայացված անանուն հայտերը և ապահովել դրանց ընթացքը։

Դիմում, բողոք, առաջարկ, ահազանգ ներկայացրած անձի գաղտնիությունը պահպանվում է՝ թաքցնելով վերջինիս IP հասցեն։ Աշխատանքային իրավունքների խախտման խնդրի վերաբերյալ տեղեկատվությանը կարելի է կցել ֆոտոներ, տեսա- եւ ձայնագրություններ։

Հայտատուն հայտը ներկայացնելուց հետո ստանում է ծածկագիր՝ հետևելու հայտի ընթացքին։

Աշխատանքային իրավունքի խախտման վերաբերյալ դիմում-բողոք կարող է ներկայացնել ամեն անձ, այդ թվում` պետական և մասնավոր ընկերությունների աշխատողներ, որոնք աշխատանքային ոլորտում առնչվել են խնդիրների ՀՀ-ում կամ պարզապես ունեն բարեփոխման առաջարկ։

EmployeeProtect.am առցանց հարթակը նորարական տեղեկատվական կայք է ժամանակակից ծրագրային լուծումներով, հասանելի՝ համակարգչով և բջջայինով։ Հարթակի հիմնական նպատակն է ուժեղացնել ՀՀ-ում աշխատանքային իրավունքների պաշտպանությունը երկրում։

Ծրագիրն իրականացվում է Իրավաբանների հայկական ասոցիացիայի կողմից՝ ՄԱԿ-ի զարգացման ծրագրի ֆինանսական աջակցությամբ։