ՀՀ ԱԱՏՄ արևելյան տարածքային կենտրոնի մասնագետները Կոտայքի մարզի ամբուլատոր ծառայություն իրականացնող բժշկական հաստատություններում դիտարկել են ՀՀ առողջապահության նախարարի 17-ն հրամանով հաստատված` կորոնավիրուսի կանխարգելման սանիտարահամաճարակային նորմերի պահանջների պահպանումը։
Վարչական ստուգայցների արդյունքում արձանագրվել են խախտումներ` կապված բժշկական գործիքների ախտահանման և մանրէազերծման գործընթացի և բժշկական թափոնների անվտանգ գործածության պայմանների հետ։
Կիրականացվի համապատասխան վարչարարություն։
Իրազեկման եւ վերահսկողական լայնածավալ աշխատանքների արդյունքում տևական ժամանակ է` Վանաձորում covid-անվտանգության կանոնների պահպանման բավարար պատկեր է արձանագրվում։
ԱԱՏՄ տարածքային ստորաբաժանման աշխատանքային խմբի դիտարկմամբ՝ առավել հաճախ հանդիպող թերությունը ժամը 10:00-12:00-ին միայն կենսաթոշակային տարիքի անձանց սպասարկելու վերաբերյալ առողջապահության նախարարի 17-ն որոշման կետի խախտումն է. այս նորմը շարունակում է գործել։
ԱԱՏՄ-ն հերթական անգամ հորդորում է տնտեսավարողներին` խստագույնս պահպանել սահմանված անվտանգության նորմերը` ուղղված համավարակի տարածման կանխմանը։ Ամենօրյա ստուգայցերն ու կրկնայցերը հատկապես ռազմական դրության շրջանում շարունակվում են նույն խստությամբ։
ԱԱՏՄ-ն իրազեկում է՝
կորոնավիրուսի տարածումը հյուրանոցներում կանխելու և աշխատանքային անվտանգ միջավայր ապահովելու համար սահմանված են առանձին նորմեր։
Մասնավորապես․
• Հյուրանոցը պետք է ունենա կորոնավիրուսային հիվանդության տարածման կանխարգելման նպատակով միջոցառումների պատասխանատու:
• Հյուրանոցում սանիտարական կանոնների պահպանման նկատմամբ պատշաճ հսկողությունը և կանոնների համար անհրաժեշտ պարագաների, նյութերի ու հարմարությունների առկայությունը պարտադիր է:
• Անհրաժեշտ է ապահովել հերթափոխային աշխատանք:
• Ընդհանուր մուտքի, սանհանգույցի, խոհանոցային հատվածի, առանձին սենքերի մոտ պետք է տեղադրվեն տարաներ՝ ձեռքերի ախտահանման համար 60-80%-ոց ալկոհոլի հիմքով հականեխիչ/ախտահանիչ միջոցով՝ համաձայն Առողջապահության նախարարի 2010 թ. հուլիսի 16-ի թիվ 13-Ն հրամանով հաստատված հավելվածի 24-րդ կետի:
• Անհրաժեշտ է ապահովել աշխատատեղերի միջև առնվազն 1,5 մետր սոցիալական հեռավորություն:
• Աշխատատեղերը պետք է կահավորվեն կափարիչի ոտնակային հարմարանքով աղբարկղ՝ առնվազն 1 աղբաման 2 աշխատողի հաշվով՝ օգտագործված դիմակները և անհատական պաշտպանական այլ պարագաները նետելու համար:
• Հյուրանոցային տնտեսության օբյեկտում անհրաժեշտ է ապահովել բնական օդափոխություն՝ յուրաքանչյուր երկու ժամը մեկ:
• Աշխատողները պետք է ապահովվեն դիմակներով, ձեռքերի մշակման մաշկային հականեխիչների, ախտահանիչ միջոցներով, անձեռոցիկներով՝ առնվազն մեկ շաբաթվա պահուստային պաշարով:
• Ախտահանման աշխատանքները պետք է գրանցվեն համապատասխան գրանցամատյանում:
Նորմերը սահմանված են ՀՀ առողջապահության նախարարի 17-ն հրամանով։
ԱԱՏՄ-ն շարունակում է ստուգայցերը նաեւ հյուրանոցներում, որտեղ ժամանակավոր բնակություն են հաստատել արցախցի մեր հայրենակիցները:
Թերի լրացված ախտահանման գրանցամատյաններ, առանց ախտահանիչ նյութերի սանհանգույցներ, իրազեկման թերթիկների պակաս, առանց դիմակի հյուրեր․ այսօրինակ թերացումներ են նկատվել ստուգայցերի ընթացքում: ԱԱՏՄ աշխատակիցների կողմից տրվել են դրանք անհապաղ վերացնելու հանձնարարական:
© 2019