ԱԱՏՄ-ստուգայցերը՝ Լոռու մարզի Տաշիր քաղաքում․ նկատվում է տնտեսավարողների մոտ դիմակներն ավելի շատ եւ ճիշտ կրելու միտում
ՀՀ ԱԱՏՄ հյուսիսային տարածքային կենտրոնը կորոնավիրուսի վարակի տարածումը կանխելու անվտանգության կանոնների պահպանումն այսօր դիտարկել է շուրջ 3 տասնյակ տնտեսավարողի մոտ, այդ թվում՝ դեղատներ, հեռահաղորդակցման սպասարկման կետեր, գեղեցկության սրահներ և վարսավիրանոցներ:
Մասնագիտական խմբերի դիտարկմամբ՝ առավել հաճախ հանդիպող թերությունները վերաբերում են ժամը 10:00-12:00 միայն կենսաթոշակային տարիքի անձանց սպասարկելու վերաբերյալ առողջապահության նախարարի 17-ն որոշման կետի խախտմանը և համաճարակի տարածման կանխարգելման պատասխանատու աշխատակից չունենալուն:
Տաշիրում կարևոր առաջընթաց է նկատվում՝ տնտեսավարող սուբյեկտների աշխատակիցների կողմից դիմակները բարեխղճորեն եւ ճիշտ կրելու առումով։ Դրան նպաստել են նաեւ տեսչական մշտական ստուգայցերն ու զգուշացումները։
ԱԱՏՄ-ն հերթական անգամ իրազեկում է՝ կորոնավիրուսի տարածումը կանխելու և հաճախորդների սպասարկման կանոնները ճիշտ կազմակերպելու համար սահմանված են հատուկ կանոններ, որոնց պահպանումը պարտադիր է, այլապես սահմանված են պատասխանատվության միջոցներ՝ տուգանքի տեսքով։
© 2019