ՀՀ առողջապահական և աշխատանքի տեսչական մարմինը մեծարանքով ու գնահատանքով վաստակած հանգստի է ճանապարհել ԱԱՏՄ հիգիենիկ, սանիտարահիգիենիկ և հակահամաճարակային վերահսկողության վարչության գլխավոր տեսուչ Արմենուհի Առուստամյանին և Բագրատաշենի սահմանային բժշկասանիտարական հսկիչ կետի պետ Կարինե Միրզոյանին։
Տարիների նվիրված աշխատանքի, ոլորտում մեծ ավանդի, ցուցաբերած մասնագիտական բարձր որակների և բարեխիղճ մոտեցման համար տեսչական մարմնի ղեկավար Հակոբ Ավագյանը շնորհակալագրեր է հանձնել նրանց։
ՀՀ առողջապահական և աշխատանքի տեսչական մարմնի ղեկավար Հակոբ Ավագյանը շնորհակալություն է հայտնել երկարամյա արդյունավետ գործունեության, իրենց սրտացավ վերաբերմունքն ու մասնագիտական հմտությունները բարեխղճորեն ի նպաստ աշխատանքի ծառայեցնելու համար:
ԱԱՏՄ արհմիության կողմից հանձնվել են նաև նվերներ։
Տեսչականի երկարամյա աշխատակիցները ևս շնորհակալություն են հայտնել համատեղ աշխատանքի ու տրված գնահատականի համար։
ԱԱՏՄ անձնակազմը շնորհավորում է նրանց` վաստակած հանգստի անցնելու կապակցությամբ և շնորհակալություն հայտնում երկարամյա վաստակի համար:
© 2019