Առողջապահական և աշխատանքի տեսչական մարմին

Կասեցումներ` Եղեգնաձորում եւ Վայքում. Վայոց ձորում խախտումները նվազում են

ՀՀ առողջապահական եւ աշխատանքի տեսչական մարմնի արևելյան տարածքային կենտրոնը պարետի որոշման համաձայն` կասեցրել է շուրջ երկու տասնյակ տնտեսավարողի գործունեությունը Եղեգնաձորում եւ Վայքում։

ԱԱՏՄ դիտարկումները փաստում են` Վայոց ձորում խախտումները նվազման միտում ունեն։ Դրանք առավելապես առեւտրի եւ սպասարկման ոլորտում են։

Կասեցումներ են եղել Սյունիքի մարզում նույնպես, կասեցվածների թվում նաեւ` ստոմատոլոգիական կենտրոններ։

Հունիսի սկզբի համեմատ՝ ամսվա վերջին կասեցման ներկայացվող տնտեսավարողների թիվը զգալիորեն նվազել է․ ԱԱՏՄ

Ուժեղացված ստուգայցով ՀՀ առողջապահական և աշխատանքի տեսչական մարմնի մասնագիտական թիմերն այսօր կրկին Նոր Նորք վարչական շրջանի տարբեր զանգվածներում էին․ անակնկալ դիտարկումների շրջանակը ներառել է ինչպես նախկինում արդեն դիտարկված, այնպես էլ այլ տնտեսավարողների՝ հանրախանութներ, տեխնիկայի վաճառքի կենտրոններ, վարկային կազմակերպության մասնաճյուղ և այլն։

Դիտարկումները փաստում են՝ եթե հունիսի սկզբին ԱԱՏՄ մշտադիտարկումների արդյունքների հիմքով՝ պարետի որոշմամբ կասեցվում էր դիտարկվածների մոտ 60,5 տոկոսը, 2-րդ շաբաթում՝ շուրջ 50 տոկոսը, ապա հիմա՝ մոտ 36 տոկոսը։ Սա փաստում է խախտումների նվազման միտման մասին, ինչը տնտեսավարողների շրջանում իրազեկման և լայնածավալ ստուգայցերի արդյունքն է։

ԱԱՏՄ աշխատանքային խմբերը հանրապետության մարզերում և մայրաքաղաքի տարբեր վարչական շրջաններում ևս անակնկալ ստուգայցեր, մշտադիտարկումներ են իրականացնում։ Նաև կրկնակի դիտարկումներ են անցկացվում այն տնտեսավարողների մոտ, որոնք օրեր առաջ կասեցվել են խախտումների պատճառով։ Խնդիր է դրված պարզել՝ վերացվե՞լ են արդյոք կասեցման պատճառ դարձած խախտումները։ Եթե ոչ՝ վարչական առավել խիստ միջոցներն անխուսափելի են․ նրանց հանդեպ կայացվում է կասեցման որոշում՝ նվազագույնը 24 ժամով։ Կարգադրվում է հրատապ վերացնել խախտումները։