Ստուգայցերից հետո ԱԱՏՄ մասնագետներն արձանագրում են խախտումների նվազման դինամիկա: Տնտեսվարողները լսում են խորհուրդները, արագ շտկում թերությունները. ԱԱՏՄ ուժեղացված ստուգայցերն այսօր Էրեբունի վարչական շրջանում էին:
Դիտարկումների տիրույթում են գրանցամատյանների, ջերմաչափերի, ախտահանիչ նյութերի առկայությունը, ձեռքերի լվացման և չորացման պայմանները, դիմակների, ոտնակով աղբամանների առկայությունը և պարետի սահմանած այլ պահանջներ:
Տեսչականների ստուգայցերի մասին՝ Առաջին ալիքի տեսանյութը:
ՀՀ առողջապահական եւ աշխատանքի տեսչական մարմինն այսօր ուժեղացված ստուգայցեր է անցկացրել Երեւանի Էրեբունի վարչական շրջանում։ Այստեղ նախորդիվ կատարված մշտադիտարկումներից եւ ստուգայցերից հետո, ըստ դիտարկումների, իրավիճակը զգալիորեն փոխվել է․ տնտեսավարողներն առավել իրազեկ են ու տեղեկացված պարետի սահմանած անվտանգության կանոններին՝ կանխելու կորոնավիրուսի հետագա տարածումը, նաեւ առավել բարեխիղճ են դրանց պահպանման հարցում։ Առավել զգուշավոր ու բարեխիղճ են այս առումով բանկերը։
Միաժամանակ, իրազեկման, խորհրդատվական, մշտադիտարկման, նաեւ կասեցման աշխատանքների արդյունքում զգալիորեն պակասել են արձանագրվող խնդիրները։ Վերջինների շարքում առավել հաճախ արձանագրվում են դիմակ կրելու կամ ճիշտ կրելու, ախտահանման աշխատանքների եւ ախտահանիչ նյութերի ճիշտ կիրառման, ջերմաչափման խախտումներ եւ այլն։
Ստուգայցերի դիտարկման տիրույթում են գրանցամատյանների, ջերմաչափերի, ախտահանիչ նյութերի առկայությունը, ձեռքերի լվացման և չորացման պայմանները, դիմակների, ոտնակով աղբամանների առկայությունը և պարետի սահմանած այլ պահանջներ: Արձանագրված խախտումների հիմքով որոշ տնտեսավարողների վերաբերյալ ժամանակավոր կասեցման միջնորդություններ կներկայացվեն պարետատուն:
ԱԱՏՄ-ն կրկին հիշեցնում է՝ ստուգայցերն ամեն օր են եւ ամենուր ու հորդորում է խստագույնս պահպանել անվտանգության կանոնները․ հանրային առողջապահական շահի տեսանկյունից դրանց պահպանումը կարեւորագույն նշանակություն ունի։ Այլապես, կկիրառվեն վարչական պատասխանատվության միջոցներ։
Խոշորացույց պետք չէ տեսնելու համար, որ «Փեթակ» առևտրի կենտրոնում չեն պահպանում պարետի սահմանած որոշումները: Տեսչականի մասնագետները ցույց են տալիս Պարետի որոշումը, տնտեսվարողն էլ՝ հաստատում, գիտի՝ իր տարածքում խախտումներ արձանագրվել են: «Փեթակ» առեւտրի կենտրոնի աշխատանքն արգելվեց 24 ժամով:
«Մշտադիտարկումները լինելու են ամեն օր, ամեն ժամ, եթե խախտումները կրկնվեն, ապա ավելի խիստ մոտեցում կցուցաբերվի, կասեցման ժամկետն էլ կերկարացվի»,-ասում է ԱԱՏՄ Երևան քաղաքի տարածքային կենտրոնի ղեկավարը:
Մանրամասները՝ Առաջին ալիքի տեսանյութում:
© 2019