Месяц: Май 2020

2020 թ․ հուլիսի 1-ից հնարավոր կլինի, դեղն առանց լրացուցիչ փորձաքննության ուղարկելու, պարզապես «Tax Stamp» բջջային հավելվածի միջոցով հեռախոսով սկանավորել դեղատուփի վրա փակցված QR կոդը և պարզել վաճառվող դեղի հավաստագրված և անվտանգ լինելը։ Այս գործիքը պետական և հանրային վերահսկողության համադրման գործուն օրինակ է, որը դեղերի շուկան զերծ կպահի չհավաստագրված դեղերի շրջանառությունից։

Առողջապահական եւ աշխատանքի տեսչական մարմնի ընթացիկ աշխատանքներից այս կետն առանձնացրել եւ ՀՀ կառավարության արձանագրած արդյունքներից հերթական 100 փաստին անդրադառնալիս ներկայացրել է ՀՀ վարչապետ Նիկոլ Փաշինյանը։

✅ Իրազեկման աշխատանք` հազարավոր տնտեսվարողների հետ։

✅ Մշտադիտարկման աշխատանք` շուրջ 2500 տնտեսվարողի մոտ։

✅ Գործունեության ժամանակավոր կասեցում է կիրառվել Երեւանի եւ մարզերի շուրջ 500 տնտեսվարողի հանդեպ` արձանագրված խախտումների հիմքով։

✅ Թեժ գծով եւ առցանց ստացված բողոքները դիտարկումների համար հիմք են ընդունվում։

✅ Աշխատանքներ են տարվում ԱԱՏՄ վերահսկողության բոլոր ոլորտներում։

✅ Վերահսկողության դիտակետում են թե խոշոր տնտեսվարողներ` սուպերմարկետների ցանցերի մասնաճյուղեր, արտադրություններ, շինարարություն, այնպես էլ փոքր օբյեկտներ` վարսավիրանոցներ, ատամնաբուժարաններ եւ այլն։

✅ Պարետի մայիսի 15-ի միաժամանակ 2 որոշմամբ՝ կասեցում է կիրառվում եւս 47 եւ 12 տնտեսվարողի հանդեպ։

❗️ Պարետի որոշմամբ սահմանված նորմերի կատարումը ենթակա է պարտադիր կատարման բոլոր տնտեսվարողների կողմից։ Դրանց չկատարումը ենթադրում է վարչական պատասխանատվություն։

Կորոնավիրուսի Covid19 տարածումը նվազեցնելու նպատակով սահմանված նորմերին առնչվող մանրամասները՝ https://www.gov.am/files/docs/4049.pdf։

ՀՀ պարետի մայիսի 14-ի N 74 նոր որոշմամբ մայիսի 18-ից ուժի մեջ են մտնելու արտակարգ դրության ընթացքում կիրառվող սահմանափակումներում մի շարք փոփոխություններ։

Մասնավորապես.

☑️ Վերացվելու է հանրային տրանսպորտի գործունեության արգելքը,

☑️ վերաբացվելու են առևտրի իրականացման վայրերը,

☑️ հանվելու է հանրային սննդի ոլորտում միայն բացօթյա տարածքում գործունեություն իրականացնելու սահմանափակումը,

☑️ կհանվի մարզասրահների աշխատանքի արգելքը,

☑️վերաբացվելու են բացօթյա պատմամշակութային վայրերը,

☑️ թույլատրվելու է նախադպրոցական կրթությունը:

Վերաբացվող բոլոր ոլորտների համար սահմանվելու են հստակ անվտանգության կանոններ, որոնց պահպանմամբ է միայն հնարավոր գործունեության իրականացումը:

Պարտադիր է լինելու մարդկանց մոտ պաշտպանիչ դիմակի առկայությունը հանրային բաց տարածքներում:

Կանոնները չպահպանելու դեպքում կիրառվելու են օրենքով սահմանված պատասխանատվության միջոցներ:

Մանրամասները՝ հղումով: https://www.gov.am/files/docs/4049.pdf