ՀՀ առողջապահական և աշխատանքի տեսչական մարմնի աշխատակիցները ուժեղացված լայնածավալ ստուգայցեր են իրականացնում Հանրապետության ամբողջ տարածքում։ Մասնագիտական խմբերի ուշադրության կենտրոնում Covid-անվտանգության կանոնների պահպանումն է։ ԱԱՏՄ Արևմտյան, Հյուսիսային և Հարավային տարածքային կենտրոնների տեսուչները ոստիկանների ուղեկցությամբ վերահսկողական աշխատանքներ են կատարել Արտաշատ, Վանաձոր, Կապան, Սիսիան քաղաքների ոչ պարենային ապրանքների առևտրի կենտրոններում, դեղատներում, բուժհաստատություններում, բանկերում, ատամնաբուժական կաբինետներում, գեղեցկության սրահներում։ Խախտումների արձանագրման դեպքում տրվել են հանձնարարականներ։
Մանրամասն ➜ՀՀ առողջապահական և աշխատանքի տեսչական մարմնի Հարավային տարածքային կենտրոնի աշխատակիցներն ստուգայցեր են իրականացրել Կապան և Գորիս քաղաքներում։ ԱԱՏՄ տեսուչները Covid-անվտանգության նորմերի պահպանման նկատմամբ վերահսկողություն իրականացրել են բանկերում, նախադպրոցական ուսումնական հաստատություններում, վարսավիրանոցներում, բուժհիմնարկներում, հյուրանոցներում։ Տնտեսվարողներին տրվել են բանավոր նախազգուշացումներ։
Մանրամասն ➜ՀՀ առողջապահական և աշխատանքի տեսչական մարմնում կայացել է «Աշխատանքային օրենսդրության մեջ կատարված փոփոխությունները և ՀՀ աշխատանքային օրենսգրքի առանձին դրույթների կիրառման առանձնահատկությունները» թեմայով հերթական սեմինար-քննարկումը։ Սեմինարը վարել է ԱԱՏՄ Աշխատանքային օրենսդրության վերահսկողության վարչության աշխատանքային օրենսդրության իրավական վերահսկողության բաժնի պետ Ալվարդ Արշակյանը։ Սեմինարի ընթացքում Տեսչական մարմնի մասնագետները պատասխանել են մասնակիցների հարցերին։
Մանրամասն ➜