Հրապարակվել ՀՀ առողջապահության նախարարի 2020 թվականի օգոստոսի 4-ի թիվ 17-ն և սեպտեմեբրի 18-ի 24-Ն հրամաններում փոփոխություններ կատարելու մասին՝ 2022 թ ապրիլ 28-ի N 23-Ն հրամանը։ Ըստ որի՝ հանվել է գործատուին ՊՇՌ թեստ ներկայացնելու պահանջը, չեղարկվել են անձնակազմի կորոնավիրուսային հիվանդության (COVID-19) ախտորոշման ՊՇՌ հետազոտության վերաբերյալ, անձնակազմի կորոնավիրուսային հիվանդության (COVID-19) դեմ պատվաստումային կարգավիճակի և բժշկական հակացուցումների վերաբերյալ գրանցամատյանների Ձևերը: Միաժամանակ, թույլատրվել է մի շարք հաստատություններում զանգվածային միջոցառումների (մանկական միջոցառումներ, ֆիլմերի դիտում, սպորտային միջոցառումներ, զվարճանքներ, բեմականացումներ), արտաուսումնական խմբակների իրականացումը՝ ապահովելով առնվազն 1.5 մետր սոցիալական հեռավորության և սանիտարահամաճարակային կանոնների պահպանումը։ Հրամանին ամբողջությամբ կարող եք ծանոթանալ այստեղ՝ https://bit.ly/37RdU4F
Մանրամասն ➜
ՀՀ առողջապահական և աշխատանքի տեսչական մարմնի ղեկավար Հակոբ Ավագյանը մայիսի 1-ին մասնակցել է Աշխատանքի և սոցիալական հարցերի նախարարության, ԱԺ աշխատանքի և սոցիալական հարցերի մշտական հանձնաժողովի նախաձեռնությամբ կայացած Աշխատանքի օրվան նվիրված հանդիպում–քննարկմանը: Միջոցառմանը ներկա են եղել Աշխատանքի և սոցիալական հարցերի նախարարի տեղակալ Ռուբեն Սարգսյանը, ԱԺ աշխատանքի և սոցիալական հարցերի մշտական հանձնաժողովի նախագահ Հերիքնազ Տիգրանյանը, հանձնաժողովի անդամները, Հայաստանի արհմիությունների կոնֆեդերացիայի նախագահի տեղակալ Բորիս Խաչատրյանը։ Հանդիպմանը մասնակցել են նաև տարբեր կազմակերպությունների և բուհերի ուսանողներ։ Միջոցառման նպատակն էր իրազեկել երիտասարդներին՝ աշխատանքային իրավունքի և գործատու-աշխատող իրավահարաբերությունների, արհմիությունների մասին։ Քննարկումից հետո մասնակիցներն իրենց հարցերն են ուղղել բանախոսներին։
Մանրամասն ➜
ՀՀ առողջապահական և աշխատանքի տեսչական մարմնում տեղի է ունեցել իրազեկման սեմինար՝ Լաբորատոր գործունեության ոլորտի իրավական ակտերի իրազեկման վերաբերյալ։ Սեմինարը վարել է Տեսչական մարմնի Բժշկական օգնության և սպասարկման վերահսկողության վարչության պետ Քրիստինե Աբրահամյանը։ Մասնակցել են բժշկական կազմակերպությունների, լաբորատոր ծառայությունների, ուժային և գործընկեր այլ կառույցների ներկայացուցիչներ։ Քրիստինե Աբրահամյանը ներկայացրել է ոլորտի իրավական ակտերն ու փաստաթղթաշրջանառության հետ կապված խնդիրները։ Հաջորդել է հարց ու պատասխան, քննարկում։
Մանրամասն ➜
© 2019