Առողջապահական և աշխատանքի տեսչական մարմնի սահմանային բժշկասանիտարական հսկիչ կետերը ՀՀ մուտք գործող անձանց իրազեկում են ինքնամեկուսացման պարտադիր պահանջի մասին, ծանուցում սահմանված նորմերի մասին։ Առանց այդ ծանուցումը ստորագրելու՝ քաղաքացին չի կարող մուտք գործել ՀՀ։ ՀՀ ողջ տարածքում 14-օրյա ինքնամեկուսացման պահանջ է սահմանված արտերկրից ՀՀ ժամանող անձանց համար։ Ինքնամեկուսացման 14-օրյա ժամկետի ընթացքում անձը կարող է վճարովի հիմունքներով անցնել կորոնավիրուսային հիվանդության ախտորոշման ՊՇՌ հետազոտություն, որի բացասական պատասխանի դեպքում կարող է դուրս գալ մեկուսացումից։
Մանրամասն ➜
ՀՀ առողջապահական և աշխատանքի տեսչական մարմնի Երևանի տարածքային ստորաբաժանման մասնագիտական խմբերը մայրաքաղաքի վարչական շրջաններում շարունակել են պարետի կողմից սահմանված հակահամաճարակային անվտանգության նորմերի պահպանման նկատմամբ հսկողությունը։ Մշտադիտարկման լայնածավալ աշխատանքներն այսօր ընթացել են մի շարք պետական մարմինների վարչական շենքերում, բանկերի մասնաճյուղերում ու գլխամասերում, գրասենյակներում և մանրամեծածախ առևտրի կետերում։ Խախտումների վերաբերյալ կազմված արձանագրությունները կներկայացվեն պարետատուն: Ստուգվողներին նաև տրամադրվել են խախտումների անհապաղ վերացման պարտադիր կատարման ցուցումներ։ Մարզերում և Երևանում խստացված ստուգայցերը շարունակվում են։
Մանրամասն ➜
Առողջապահական և աշխատանքի տեսչական մարմնի ստորաբաժանումների համաժամանակյա մշտադիտարկումները շարունակվել են գրեթե բոլոր մարզերում։ Դիտարկվել են ԱԱՏՄ հսկողության տիրույթում գտնվող ոլորտները՝ հյուրանոցներ, հյուրատներ, բժշկական կազմակերպություններ, ատամնաբուժական կաբինետներ, դեղատներ, բանկեր, գեղեցկության սրահներ, մանրամեծածախ առևտրի կետեր։ Տեսուչները տնտեսավարողների մոտ կոպիտ, համակցված խախտումներ չեն արձանագրել։ Թերացումներ են նկատվել ջերմաչափման և ախտահանման գրանցամատյաննները պատշաճ լրացնելու և իրազեկման թերթիկների բացակայության հետ կապված։ Խախտումների բացառման նպատակով ԱԱՏՄ-ն շարունակում է ամենօրյա լայնածավալ իրազեկման աշխատանքներն ու մշտադիտարկումները հանրապետության ողջ տարածքում։
Մանրամասն ➜
© 2019