Համայնքապետարաններ, հիվանդանոցներ, ստոմատոլոգիական կլինիկաներ, հանրակրթական դպրոցներ և նախադպրոցական ուսումնական հաստատություններ. Գյումրի, Եղեգնաձոր, Վայք, Ջերմուկ քաղաքների նշված հաստատություններում է եղել ՀՀ առողջապահական և աշխատանքի տեսչական մարմնի Հյուսիսային և Հարավային տարածքային կենտրոնների տեսուչների հերթական ստուգայցը Դիտարկել են ՀՀ առողջապահության նախարարի 17-ն հրամանով հաստատված նորմերի պահպանումը։ Ստուգայցի արդյունքում տեսչական մարմնի մասագետներն ընդհանուր առմամբ Covid-անվտանգության նորմերի պահպանման առումով բավարար պատկեր են արձանագրել։ Հընթացս ԱԱՏՄ մասնագիտական խմբերը եղել են նաև փակ արտադրական տարածքներում, մանրամեծածախ առևտրի կենտրոններում, գրասենյակային տարածքներում։
Մանրամասն ➜
Շարունակվում են ներքին իրազեկման, վերապատրաստման դասընթացները ՀՀ առողջապահական և աշխատանքի տեսչական մարմնում։ Հերթական սեմինարը կազմակերպվել է Արևմտյան տարածքային կենտրոնի աշխատակիցների համար՝ Վարչարարության և դեղերի վերահսկողության ոլորտի օրենսդրական ակտերի վերաբերյալ։ Սեմինարավարներն էին ԱԱՏՄ Իրավական աջակցության բաժնի գլխավոր իրավաբան Աստղիկ Հարությունյանն ու Դեղերի շրջանառության վերահսկողության վարչության պետ Նելլի Թովմասյանը։ Արևմտյան տարածքային կենտրոնի ղեկավար Գնել Սարգսյանի և աշխատակիցների հետ համատեղ քննարկվել են նախորդ տարում առաջին անգամ իրականացված պլանային ստուգումների ընթացքում ի հայտ եկած հարցերն ու խնդիրները։ Ամփոփվել են կատարված աշխատանքները։ Հնչել են հարցեր, որոնց տրվել են պատասխաններ։ Ներկայացվել են մի շարք առաջարկներ՝ աշխատանքի արդյունավետության բարձրացման նպատակով։
Մանրամասն ➜
ՀՀ առողջապահական և աշխատանքի տեսչական մարմնի հյուսիսային տարածքային կենտրոնի ղեկավար Արման Ոսկանյանն աշխատանքային այց է կատարել Գոգավան-Պրիվոլնոյեի սահմանային բժշկասանիտարական հսկիչ կետ։ Ոսկանյանը հանդիպել է սահմանային բժշկասանիտարական հսկիչ կետի հերթապահ կազմի հետ։ ՍԲՀԿ պետի ժամանակավոր պաշտոնակատար Անուշ Մաղաքյանը տարածքային կենտրոնի ղեկավարին ներկայացրել է ընթացիկ աշխատանքները։ Քննարկվել են կազմակերպչական որոշ հարցեր, ներկայացվել են հետագա անելիքները։
Մանրամասն ➜
© 2019