2018 թվականի հունիսի 11-ին՝ ՀՀ վարչապետի N 755-Լ որոշմամբ հաստատվել է Տեսչական մարմնի կանոնադրությունը։ Առողջապահական և աշխատանքի տեսչական մարմինը վերահսկողություն և օրենքով սահմանված այլ գործառույթներ իրականացնող՝ ՀՀ կառավարությանը ենթակա մարմին է, որն օրենքով սահմանված կարգով կիրառում է պատասխանատվության միջոցներ առողջապահության, աշխատանքային իրավունքի՝ ներառյալ աշխատողների առողջության պահպանման և անվտանգության ապահովման բնագավառներում` հանդես գալով Հայաստանի Հանրապետության անունից: Տեսչական մարմնի Կանոնադրության հաստատման օրվա կապակցությամբ, շնորհավորում ենք Տեսչական մարմնի բոլոր աշխատողներին և շնորհակալություն հայտնում կատարած աշխատանքի համար։
Մանրամասն ➜
ՀՀ առողջապահական և աշխատանքի տեսչական մարմնի Հարավային տարածքային կենտրոնի մասնագետներն իրազեկման սեմինարներ են անցկացրել Սիսիան և Եղեգնաձոր քաղաքների տնտեսավարողների ներկայացուցիչների համար։ Հարավային տարածքային կենտրոնի պետ Հովսեփ Առաքելյանը ներկայացրել է Տեսչական մարմնի գործառույթներն ու լիազորությունների շրջանակը։ Սեմինարին ներկայացվել են բժշկական օգնության և սպասարկման, դեղերի շրջանառության, հիգիենիկ, սանիտարահիգիենիկ և հակահամաճարակային վերահսկողության, ինչպես նաև աշխատանքային օրենսդրության, ներառյալ աշխատողների առողջության պահպանման և անվտանգության ապահովման ոլորտներին առնչվող մի շարք իրավական ակտեր։ Տեղի է ունեցել քննարկում․ Տեսչական մարմնի ներկայացուցիչները պատասխանել են երեք տեսնյակից ավելի մասնակիցների հարցերին։
Մանրամասն ➜
Երեխայի ծնվելու օրվանից հետո՝ 30 օրվա ընթացքում, նորածնի հոր ցանկությամբ տրամադրվում է հինգ աշխատանքային օր տևողությամբ վճարովի արձակուրդ, որի յուրաքանչյուր օրվա համար գործատուն վճարում է աշխատողի միջին օրական աշխատավարձի չափով: Եթե խախտվել է Ձեր աշխատանքային իրավունքը, զանգե՛ք 81-07 կարճ համարին և հայտնեք այդ մասին ՀՀ առողջապահական և աշխատանքի տեսչական մարմնին։ —————————————————— Աշխատանքային իրավունքների մասին այս արշավը համատեղ իրականացնում են ՀՀ առողջապահական և աշխատանքի տեսչական մարմինը և ՄԱԿ-ի կանանց հարցերով հայաստանյան գրասենյակը (@UN Women Armenia), որն իրականացվում է «Կանանց տնտեսական հզորացում Հարավային Կովկասում» (WEESC) ծրագրի շրջանակներում։
Մանրամասն ➜
© 2019