Առողջապահական և աշխատանքի տեսչական մարմնի ղեկավար Սլավիկ Սարգսյանը և ղեկավարի տեղակալ Թագուհի Հակոբյանն աշխատանքային այցով եղել են «Արմենիա» բժշկական կենտրոնում: Տեսչական մարմնի ղեկավար կազմի այցելության նպատակը բուժառուների հետ զրուցելը, բուժհաստատության մատուցած սպասարկման ծավալներին ծանոթանալն էր։ Բազմապրոֆիլ բուժծառայություն մատուցող տարբեր բաժանմունքներում շրջայցից հետո՝ Սլավիկ Սարգսյանը զրուցել է ԲԿ-ում բուժում ստացողների հետ, հետաքրքրվել նրանց առողջական վիճակով, ինչպես նաև ԲԿ-ում մատուցվող բժշկական ծառայությունների վերաբերյալ վերջիններիս գնահատականով։ Ըստ բուժառուների գնահատականի՝ ԲԿ անձնակազմն ապահովում է սպասարկման բարձր որակ, դրսևորում պատասխանատու և հոգատար վերաբերմունք։ Նմանատիպ այցերը կարևոր են հիվանդների հետ անմիջապես շփվելու և առկա խնդիրները վերհանելու, ինչպես նաև լուծումներ գտնելու համար։
Մանրամասն ➜
2024 թվականի օգոստոսի 14-ին «Դեղերի և բժշկական տեխնոլոգիաների փորձագիտական կենտրոն» պետական ոչ առևտրային կազմակերպության կողմից ստացված թիվ EL/01/1492-24 գրության համաձայն Առողջապահության համաշխարհային կազմակերպության կողմից ստացվել է տեղեկատվություն, ըստ որի արտադրողի կողմից հաստատվել է Օզեմպիկ (սեմագլուտիդ) դեղի հինգ սերիաների (MP5A064, MP5A370, MP5B060, MP5D600, NP5G866) կեղծման փաստը։ Օզեմպիկ դեղը գրանցված չէ Հայաստանի Հանրապետությունում, իսկ վերոնշյալ սերիաների օրինական ներմուծված լինելու վերաբերյալ առկա չեն տվյալներ՝ օրենսդրությամբ սահմանված կարգով ներմուծման փորձաքննություն անցած դեղերի բազայում։ Սեմագլուտիդ պարունակող դեղը ներարկման լուծույթի ձևով է և պահանջում է «սառը շղթայի» ապահովում, ինչը չի երաշխավորվում Հայաստանի Հանրապետություն օրենքի խախտմամբ ներմուծման դեպքում։ Կեղծ դեղերի որոշ տարբերակներ պարունակում են ինսուլին, իսկ մյուսները չեն պարունակում որևէ ակտիվ դեղանյութ։
Մանրամասն ➜
Օգոստոսի 28-ին, ժամը 11:00-ին, ՀՀ առողջապահական և աշխատանքի տեսչական մարմնում (հասցե՝ Արարատյան 26 ) տեղի կունենա Տեսչական մարմնի ղեկավար Սլավիկ Սարգսյանի մամուլի ասուլիսը, որի ընթացքում կքննարկվի դեղերի շրջանառության վերահսկողությունը ՀՀ-ում։ Հրավիրում ենք Ձեզ ներկա գտնվելու և Ձեզ հետաքրքրող հարցերն ուղղելու Տեսչական մարմնի ղեկավարին։ Խնդրում ենք հաստատել Ձեր մասնակցությունը ասուլիսին մինչև օգոստոսի 21-ը, ժամը 17։00-ն՝ ուղարկելով մասնակցի տվյալները (լրատվամիջոց, լրագրողի անուն, ազգանուն, հեռախոսահամար) press@hlib.am էլ․ հասցեին կամ զանգահարելով 010650553 հեռախոսահամարին:
Մանրամասն ➜
© 2019