Երեխային փաստացի խնամող ընտանիքի մոր (խորթ մոր), հոր (խորթ հոր) կամ խնամակալի ցանկությամբ տրամադրվում է երեխայի խնամքի արձակուրդ մինչև երեխայի երեք տարեկան դառնալը: Արձակուրդը վերցվում է ամբողջությամբ կամ մաս առ մաս: Նման իրավունք ունեցող աշխատողը այն կարող է ստանալ արտահերթ: Եթե խախտվել է Ձեր աշխատանքային իրավունքը, զանգե՛ք 81-07 կարճ համարին և հայտնեք այդ մասին ՀՀ առողջապահական և աշխատանքի տեսչական մարմնին։ ————————— Աշխատանքային իրավունքների մասին այս արշավը համատեղ իրականացնում են ՀՀ առողջապահական և աշխատանքի տեսչական մարմինը և ՄԱԿ-ի կանանց հարցերով հայաստանյան գրասենյակը՝ «Կանանց տնտեսական հզորացում Հարավային Կովկասում» (WEESC) ծրագրի շրջանակներում։
Մանրամասն ➜
ՀՀ առողջապահական և աշխատանքի տեսչական մարմնի ղեկավար Սլավիկ Սարգսյանն աշխատանքային այց է կատարել Տեսչական մարմնի Հարավային տարածքային կենտրոն։ ԱԱՏՄ ղեկավարը տարածքային կենտրոնի անձնակազմին է ներկայացրել Հարավային տարածքային կենտրոնի նորանշանակ պետ Հովսեփ Առաքելյանին, շնորհավորել նրան նշանակման առթիվ և մաղթել արդյունավետ աշխատանք։ Սլավիկ Սարգսյանը նաև շնորհակալություն է հայտնել Գագիկ Խոսրովյանին՝ վերջին ամիսներին ղեկավարի պարտականությունները բարեխղճորեն կատարելու համար։ Տեսչական մարմնի ղեկավարը խոսելով այս ընթացքում կատարված աշխատանքի արդյունքների մասին՝ հույս է հայտնել, որ նորանշանակ ղեկավարը կներդնի բոլոր հնարավորությունները տարածքային կենտրոնի առջև դրված խնդիրները լուծելու և առավելագույնն անելու համար։ Անձնակազմի հետ հանդիպման ժամանակ Սլավիկ Սարգսյանին զեկուցվել է ընթացիկ աշխատանքների մասին, քննարկվել են տարածքային կենտրոնի առջև դրված խնդիրները և դրանց իրականացման վերաբերյալ [...]
Մանրամասն ➜
ՀՀ առողջապահական և աշխատանքի տեսչական մարմնի Արևմտյան տարածքային կենտրոնի Էջմիածնի բաժնի մասնագետները իրազեկման հերթական սեմինարն անցկացրել են Արմավիրի մարզի Էջմիածնի բժշկական կենտրոնում։ Ներկաներին ողջունել են Տեսչական մարմնի Արևմտյան տարածքային կենտրոնի Էջմիածնի բաժնի պետ-տեսուչ Դավիթ Ղազարյանը և Էջմիածնի բժշկական կենտրոնի փոխտնօրեն Արթուր Հարությունյանը։ Բուժանձնակազմի շուրջ 2 տասնյակ ներկայացուցիչների՝ համաճարակաբանների, ինֆեկցիոնիստների համար սեմինարն անցկացրել է Էջմիածնի բաժնի ավագ տեսուչ Արման Աղիկյանը։ Թեման՝ «Սանիտարահիգիենիկ անվտանգություն և համաճարակաբանական ներկա իրավիճակը»։ Տեսչական մարմնի մասնագետը ներկայացրել է համաճարակաբանական վիճակն Արմավիրի մարզում, ինչպես նաև անդրադարձել հանրային առողջապահության ոլորտում իրազեկման միջոցառումների անհրաժեշտությանը։ Մանրամասն քննարկվել են ՀՀ առողջապահության նախարարի հրամանով հաստատված սանիտարական կանոնների և նորմերի պահանջները, [...]
Մանրամասն ➜
© 2019