ՀՀ առողջապահական և աշխատանքի տեսչական մարմինը 2021 թվականի հուլիսի 1-ից աշխատանքային օրենսդրության կիրարկման նկատմամբ իրականացնում է ամբողջական պետական վերահսկողություն։ Համաձայն ՀՀ աշխատանքային օրենսգրքի հոդված 14-ի (Աշխատանքային հարաբերությունների ծագման հիմքերը) 1-ին մասի՝ աշխատողի և գործատուի միջև աշխատանքային հարաբերությունները ծագում են աշխատանքային օրենսդրությամբ սահմանված կարգով կնքված գրավոր աշխատանքային պայմանագրով կամ աշխատանքի ընդունման մասին անհատական իրավական ակտով: Ըստ օրենսգրքի 85-րդ հոդվածի (Աշխատանքային պայմանագրի կնքման կարգը) 1-ին մասի՝ գրավոր աշխատանքային պայմանագիրը կնքվում է երկու օրինակից` կողմերի (…) ստորագրությամբ մեկ փաստաթուղթ կազմելու միջոցով, որի մեկ օրինակը աշխատանքային պայմանագիրը կնքելուց հետո՝ եռօրյա ժամկետում, գործատուն հանձնում է աշխատողին (…)։ Օրենսգրքի 102-րդ հոդվածի (Անօրինական աշխատանքը) 1-ին մասի համաձայն՝ անօրինական է համարվում [...]
Մանրամասն ➜
ՀՀ առողջապահական և աշխատանքի տեսչական մարմնի կողմից «ՖԱՐՄԱՏԵՔ» ՓԲ ընկերությանը 22.08.2023 թ-ին տրվել է Կարգադրագիր՝ «Նատրիումի քլորիդ 0.9% (9մգ/մլ) կաթիլաներարկման լուծույթ, 500 մլ պլաստիկե փաթեթներ» դեղի՝ 23.206.04B սերիայի շրջանառությունը ժամանակավոր դադարեցնելու մասին։ Կարգադրագրի հիմք է հանդիսացել ՀՀ առողջապահության նախարարության «Ակադեմիկոս Է. Գաբրիելյանի անվան դեղերի և բժշկական տեխնոլոգիաների փորձագիտական կենտրոն» ՓԲ ընկերությունից 2023 թվականի օգոստոսի 21-ին ստացված թիվ 01/2808-23 առ 18.08.2023թ. գրությունը և կից՝ փորձաքննության եզրակացությունը։ Ըստ եզրակացության՝ «Նատրիումի քլորիդ 0.9% (9մգ/մլ) կաթիլաներարկման լուծույթ, 500 մլ պլաստիկե փաթեթներ» դեղի՝ 23.206.04B սերիայի կիրառման ժամանակ արձանագրվել են պիրոգեն ռեակցիաներին բնորոշ ախտանշաններ, առկա է հետկանչի ենթակա թերության կասկած (առաջին և (կամ) երկրորդ դասի)։
Մանրամասն ➜
Վարչապետի աշխատակազմի ղեկավար Արայիկ Հարությունյանն Առողջապահական և աշխատանքի տեսչական մարմնի աշխատակազմին է ներկայացրել Տեսչական մարմնի նորանշանակ ղեկավար Սլավիկ Սարգսյանին։ Վարչապետի աշխատակազմի ղեկավարը նշանակման առթիվ շնորհավորել է Սլավիկ Սարգսյանին և շնորհակալություն հայտնել վերջին ամիսներին ղեկավարի պարտականությունները բարեխղճորեն կատարելու համար։ Խոսելով այս ընթացքում կատարված աշխատանքի արդյունքների մասին՝ Արայիկ Հարությունյանը հույս է հայտնել, որ նորանշանակ ղեկավարը չի բավարարվի սահմանած բարձր նշաձողով։ Սլավիկ Սարգսյանը շնորհակալություն է հայտնել վստահության համար և հավաստիացրել, որ կներդնի առավելագույն ջանքեր Տեսչական մարմնի արդյունավետ գործունեությունն ապահովելու համար: Հանդիպմանը քննարկվել են նաև Առողջապահական և աշխատանքի տեսչական մարմնի առջև դրված խնդիրներին և դրանց իրականացմանը վերաբերող հարցեր:
Մանրամասն ➜
© 2019