ՀՀ առողջապահական և աշխատանքի տեսչական մարմնի ղեկավար Սլավիկ Սարգսյանի գլխավորությամբ հուլիսի 4-ին տեղի է ունեցել աշխատանքային քննարկում՝ Բժշկական օգնության և սպասարկման ոլորտի վերաբերյալ։ Մասնակցել են Տեսչական մարմնի ղեկավարի տեղակալ Թագուհի Հակոբյանը, Տեսչական մարմնի տարածքային կենտրոնների պետերը, բժշկական օգնության և սպասարկման վերահսկողության ոլորտի մասնագետները և Տեսչական մարմնի իրավաբանները։ Թագուհի Հակոբյանը ներկայացրել է բժշկական օգնության և սպասարկման վերահսկողության արդյունքում արձանագրված խնդիրները, նշվել են դրանց կարգավորման հնարավոր ուղիները։ Հանդիպման ժամանակ քննարկվել են ղեկավարի կողմից տրված հանձնարարականների կատարման ընթացքը, ստուգումների, վերստուգումների, վարչական վարույթների վերաբերյալ աշխատանքային հարցեր։ Տեսչական մարմնի ղեկավարի կողմից տրվել են նոր հանձնարարականներ և դրանց կատարման համար սահմանվել են ժամկետներ։
Մանրամասն ➜
ՀՀ առողջապահական և աշխատանքի տեսչական մարմնի Հարավային տարածքային կենտրոնի աշխատակիցները հուլիսի 4-ին իրազեկման սեմինար են անցկացրել Սիսիան քաղաքի տնտեսավարողների համար։ Սեմինարին մասնակցել է Տարածքային կենտրոնի պետ Հովսեփ Առաքելյանը, Աշխատողների առողջության պահպանման և անվտանգության ապահովման վերահսկողության բաժնի պետ Գագիկ Խոսրովյանը։ Իրազեկման միջոցառումն անցկացրել է աշխատողների առողջության պահպանման և անվտանգության ապահովման վերահսկողության բաժնի ավագ տեսուչ Աշոտ Արսենյանը։ Մասնակիցներին ներկայացվել է Տեսչական մարմնի գործառույթների շրջանակը, շինարարության, քարի մշակման և արտադրական ձեռնարկությունների ոլորտներին առնչվող իրավական ակտերը՝ ներառյալ աշխատողների առողջության պահպանման և անվտանգության ապահովման վերաբերյալ, ինչպես նաև աշխատանքային օրենսգրքի վերջին փոփոխությունները։ Տեսչական մարմնի մասնագետները պատասխանել են նաև սեմինարի շուրջ երկու տասնյակ մասնակիցների հարցերին:
Մանրամասն ➜
ՀՀ առողջապահական և աշխատանքի տեսչական մարմնի Երևան քաղաքի տարածքային կենտրոնի մասնագիտական ստորաբաժանումների պետերն ու բաժինների աշխատակիցներն իրազեկման սեմինար են անցկացրել «Արմենիա» հանրապետական բժշկական կենտրոնի բժշկական անձնակազմի համար։ Տարածքային կենտրոնի բժշկական օգնության և սպասարկման վերահսկողության բաժնի պետ Նաիրա Մերվազյանը և հիգիենիկ, սանիտարահիգիենիկ և հակահամաճարակային վերահսկողության բաժնի պետ Նոնա Հայրապետյանը հաստատության բուժանձնակազմին ներկայացրել են Տեսչական մարմնի վերահսկողական գործառույթները, կանոնադրությամբ ամրագրված լիազորությունները։ Ներկայացրել են «Բնակչության բժշկական օգնություն և սպասարկման մասին» ՀՀ օրենքից բխող համապատասխան կարգավորումները, բժշկական կազմակերպությունների համար նախատեսված Առողջապահության նախարարի հրամանները, «Լիցենզավորման մասին» ՀՀ օրենքը, Առողջապահության նախարարի հրամաններով սահմանված սանիտարական կանոնները և հիգիենիկ նորմերի պահանջները, [...]
Մանրամասն ➜
© 2019