Նորություններ

ՀՀ կառավարության հուլիսի 28-ի նիստում N 1166-Ն որոշմամբ փոփոխություն և լրացում է  կատարվել Կառավարության 2020թ-ի 718-Ն որոշման մեջ։ Դեղերի շրջանառության և դեղագործական գործունեության բնագավառում ռիսկի վրա հիմնված ստուգումների ստուգաթերթի հավելված 2-ի 2.1 և 2.3 ստուգաթերթերի մեջ իրականացվել են հետևյալ փոփոխություններ և լրացումներ։ Մասնավորապես,  2.1 ստուգաթերթը լրացվել է հետևյալ կետերով՝   N 10.1 կետը շարադրվել է նոր խմբագրությամբ՝ դեղերի, դեղանյութերի, դեղաբուսական հումքի և հետազոտվող դեղագործական արտադրանքի փաթեթավորմանը, պիտակավորմանը, մակնշմանը՝ ներառյալ դեղերի ներդիր-թերթիկին, ինչպես նաև ընդհանուր բնութագրին ներկայացվող պահանջները պահպանված են N 18.1 կետը շարադրվել է նոր խմբագրությամբ՝ թմրամիջոցներ և հոգեմետ (հոգեներգործուն) նյութեր պարունակող, անվճար կամ արտոնյալ պայմաններով տրվող, հակավարակային (հակաբակտերիային դեղեր, հակասնկային դեղեր, հակամիկոբակտերիային դեղեր, [...]

Ավարտվեց տեսչական մարմնի աշխատանքային իրավունքի վերահսկողության բնագավառի տեսուչների դասընթացը

Եվրամիության աջակցությամբ իրականացվող «Հանուն աշխատանքի. hաշվետու և ներառական աշխատաշուկայի նախաձեռնություն» ծրագրի շրջանակներում, ՏՀՏ գործատուների միության, Արմավիրի զարգացման կենտրոն ՀԿ-ի և Կիրակի հիմնադրամի գործընկերությամբ իրականացվեց թվով 11 սեմինար-դասընթացների շարքը։ Սեմինարներն ուղղված էին Տեսչական մարմնի կենտրոնական ապարատի և մարզային կենտրոնների աշխատանքային օրենսդրության վերահսկողության ստորաբաժանումների տեսուչների մասնագիտական հմտությունների կատարելագործմանը։ Սեմինարների ընթացքում իրավաբան փորձագետ Ներսես Աղաբաբյանի կողմից ներկայացվել են մեր երկրում աշխատանքային վեճերի լուծման դատական պրակտիկան և աշխատանքային իրավունքի նկատմամբ վերահսկողության իրավական գործիքակազմերի կիրառման առանձնահատկությունները։ Նմանօրինակ միջոցառումները կրում են պարբերական բնույթ։     

Սեմինար-դասընթաց՝ ՀՀ ԱԱՏՄ Արևմտյան տարածքային կենտրոնում

ՀՀ առողջապահական և աշխատանքի տեսչական մարմնում շարունակվում են իրազեկման սեմինարները «Հանուն աշխատանքի. hաշվետու և ներառական աշխատաշուկայի նախաձեռնություն» ծրագրի շրջանակներում։ Հերթական սեմինարը «Անօրինական աշխատանք և ստուգումներ» թեմայով այսօր անցկացվել է Տեսչական մարմնի Արևմտյան տարածքային կենտրոնում։ Սեմինար-դասընթացը վարել է փորձագետ, փաստաբան Ներսես Աղաբաբյանը։ Հանդիպման ընթացքում տեղի է ունեցել նաև մտքերի փոխանակություն, դասընթացին հաջորդել է  հարց ու պատասխան։ «Հանուն աշխատանքի. hաշվետու և ներառական աշխատաշուկայի նախաձեռնություն» ծրագիրն իրականացվում է ՏՀՏ գործատուների միության, Արմավիրի զարգացման կենտրոն ՀԿ-ի և Կիրակի հիմնադրամի գործընկերությամբ Եվրամիության աջակցությամբ։