ՀՀ կառավարության մարտի 3-ի նիստում 239-Ն որոշմամբ լրացում է արվել կառավարության 2020թ-ի 718-Ն որոշման մեջ։ Ըստ որի հաստատվել է՝ Շինարարության (ՏԳՏԴ ԾԱԾԿԱԳԻՐ՝ F), Կոպճահանքերի և ավազահանքերի շահագործման, կավի և ճենակավի (կաոլինի) արդյունահանման (ՏԳՏԴ ԾԱԾԿԱԳԻՐ՝ B08.12) ոլորտներում տնտեսական գործունեություն իրականացնող կազմակերպություններում աշխատողների առողջության պահպանման և անվտանգության ապահովման նորմերի կիրառման նկատմամբ վերահսկողության Ստուգաթերթ N 4.3-ը։ Հիշեցնենք, որ «ՀՀ-ում ստուգումների կազմակերպման և անցկացման մասին» օրենքի համաձայն՝ Տեսչական մարմնի ստուգումներն անցկացվում են ստուգաթերթերի հիման վրա, որոնք հաստատում է ՀՀ կառավարությունը: Մանրամասները՝ հղումով https://bit.ly/3sD51TJ
Մանրամասն ➜ՀՀ առողջապահական և աշխատանքի տեսչական մարմնում տեղի է ունեցել հերթական իրազեկման սեմինարը՝ բժշկական օգնության և սպասարկման վերահսկողության ոլորտի իրավական ակտերի և լիցենզավորման պարտադիր պահանջների և պայմանների վերաբերյալ։ Սեմինարին մասնակցել են 30-ից ավելի բժշկական կազմակերպությունների ներկայացուցիչներ՝ տնօրեններ, բուժական գծով տեղակալներ։ Սեմինարը վարել է Տեսչական մարմնի Բժշկական օգնության և սպասարկման վերահսկողության վարչության պետ Քրիստինե Աբրահամյանը։ Սեմինարին հաջորդել է իրավական ակտերի վերաբերյալ հարց ու պատասխան, ակտիվ քննարկում։
Մանրամասն ➜ՀՀ առողջապահական և աշխատանքի տեսչական մարմինը 2021 թվականին ստացել է տեղեկատվություն ստանալու 264 գրավոր հարցում։ Նախորդ տարվա համեմատ հարցումների թիվն աճել է ավելի քան 2 անգամ (2020 թ․-ին ստացվել է 127 հարցում)։ Բոլոր հարցումները ստացվել են էլեկտրոնային եղանակով, հարցումներից 35-ը՝ e-request հարթակի միջոցով։ Զանգվածային լրատվամիջոցներից ստացվել է 20 հարցում։ Բոլոր հարցումներին տրվել է սպառիչ պատասխան, տրամադրվել է լիարժեք տեղեկատվություն։ Տեղեկատվություն ստանալու որևէ հարցում Տեսչական մարմնի կողմից չի մերժվել։
Մանրամասն ➜