ՀՀ առողջապահական և աշխատանքի տեսչական մարմնում տեղի է ունեցել սեմինար-վերապատրաստում՝ Տեսչական մարմնի բժշկական օգնության և սպասարկման վերահսկողության ոլորտի տեսուչների համար։ Սեմինարը վարել է Տեսչական մարմնի Բժշկական օգնության և սպասարկման վերահսկողության վարչության պետ Քրիստինե Աբրահամյանը։ Սեմինարին մասնակցել են Տեսչական մարմնի կենտրոնական ապարատի և տարածքային կենտրոնների բժշկական օգնության և սպասարկման վերահսկողության ոլորտի մասնագետները։ Քրիստինե Աբրահամյանը ներկայացրել է ստուգումների գործընթացի համակարգված կազմակերպման առանձնահատկությունները. հաջորդել է 2021 թվականի ստուգումների ընթացքում գույքագրված խնդիրների վերաբերյալ հարց ու պատասխան։
Մանրամասն ➜
ՀՀ առողջապահական և աշխատանքի տեսչական մարմնի աշխատանքային իրավահարաբերությունները վերահսկող տեսուչները մարտի 9-12-ն Աղվերանում մասնակցում են վերապատրաստման դասընթացի՝ կարողությունների հզորացման նպատակով։ Այն նախաձեռնել է Աշխատանքի միջազգային կազմակերպությունը (ԱՄԿ)։ Տեսչական մարմնի ղեկավար Հակոբ Ավագյանն ողջույնի խոսքում շնորհակալություն է հայտնել ԱՄԿ գործընկերներին՝ նշելով, որ այս դասընթացը լավ հնարավորություն է փորձի փոխանակման համար։ Ըստ նրա՝ վերապատրաստումն ինքնազարգացման ու ինքնակրթման լավ միջոց է, որն ուղիղ ազդում է աշխատողների հետագա կարիերայի աճի վրա։ Տեսչական մարմնի Աշխատանքային օրենսդրության վերահսկողության վարչության և Տարածքային կենտրոնների շուրջ 40 տեսուչներ կծանոթանան աշխատանքային օրենսդրության, աշխատանքային իրավահարաբերությունների, աշխատանքի անվտանգության, քողարկված աշխատանքային հարաբերությունների, ռիսկերի գնահատման և այլ ոլորտներում միջազգային փորձին, նորարարական [...]
Մանրամասն ➜
ՀՀ առողջապահական և աշխատանքի տեսչական մարմինը 2022 թ-ի մարտի 1-5-ն ընկած ժամանակահատվածում հանրապետության ամբողջ տարածքում իրականացրել է 1057 ստուգայց՝ առողջապահության նախարարի 17-Ն հրամանով սահմանված Covid-անվտանգության կանոնների պահպանման վերահսկողության նպատակով։ ԱԱՏՄ մասնագետներն արձանագրել են 6 խախտում, որոնց վերաբերյալ կազմվել են ՎԻՎ արձանագրություններ։ Տնտեսավարողներից 11-ին տրվել է նախազգուշացում։ Նշված ժամանակահատվածում կայացվել է տուգանքի 4 որոշում։ Նշենք, որ ստուգայցերի գերակշիռ մասը՝ 80 %-ն իրականացվել է մանրամեծածախ առևտրի կետերում։ Խախտումները հիմնականում վերաբերել են չպատվաստված աշխատողների համար աշխատավայր ներկայանալիս յուրաքանչյուր 7 օրը մեկ կորոնավիրուսային հիվանդության ախտորոշման ՊՇՌ հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ ներկայացնելու պահանջին։
Մանրամասն ➜
© 2019