ՀՀ կառավարության հունիսի 23-ի նիստում N 927-Ն որոշմամբ փոփոխություն է կատարվել Կառավարության 2020թ-ի 718-Ն որոշման մեջ։ Բժշկական օգնության և սպասարկման բնագավառում ռիսկի վրա հիմնված ստուգումների ստուգաթերթի հավելված N 3-ում կատարվել են փոփոխություններ: Համաձայն որի՝ N 3.3 ստուգաթերթը շարադրվել է նոր խմբագրությամբ՝ համաձայն N 1 հավելվածի (Հոգեբուժական բժշկական օգնության և սպասարկման վերահսկողություն (ՏԳՏԴ ԾԱԾԿԱԳԻՐ՝ Q 86.22)), N 3.13 ստուգաթերթը շարադրվել է նոր խմբագրությամբ՝ համաձայն N 2 հավելվածի (Լաբորատոր-գործիքային ախտորոշիչ հետազոտությունների իրականացման վերահսկողություն (Q 86.10, 86.21, 86.90 (ՏԳՏԴ)): «ՀՀ-ում ստուգումների կազմակերպման և անցկացման մասին» օրենքի համաձայն՝ Տեսչական մարմնի ստուգումներն անցկացվում են ստուգաթերթերի հիման վրա, որոնք հաստատում է ՀՀ կառավարությունը: Մանրամասները՝ հղումով https://cutt.ly/ZKWYaOH
Մանրամասն ➜
ՀՀ առողջապահական և աշխատանքի տեսչական մարմնի Աշխատանքային օրենսդրության վերահսկողության վարչության պետ Իգիթ Հակոբյանը հունիսի 6-ից 17-ը մասնակցել է Աշխատանքի միջազգային կազմակերպության (ԱՄԿ) միջազգային ուսումնական կենտրոնում անցկացված՝ «Աշխատանքի անվտանգության և առողջության ազգային ծրագրեր և համակարգեր» խորագրով վերապատրաստման դասընթացին։ Իգիթ Հակոբյանը ներկայացրել է Աշխատանքի տեսչության գործունեությունը՝ կազմավորումից մինչև վերակազմավորում, ինչպես նաև ՀՀ առողջապահական և աշխատանքի տեսչական մարմնի վերահսկողական գործառույթները։ Միջազգային փորձի ուսումնասիրմանը միտված դասընթացն անցկացվել է Իտալիայի Հանրապետության Թուրին քաղաքում, որին մասնակցել է 11 երկրի ներկայացուցիչ։
Մանրամասն ➜
ՀՀ առողջապահական և աշխատանքի տեսչական մարմնի նախաձեռնությամբ (տարեկան գործունեության ծրագրով հաստատված) Տեսչական մարմնի գլխամասում և մարզային տարածքային կենտրոններում տեսուչների և բաժնի պետ-տեսուչների համար անցկացվել են համաժամանակյա թեստային առաջադրանքներ` միտված տեսուչների գիտելիքների կատարելագործմանը: Հարցաշարը կազմվել է օրենքներից, իրավական ակտերից, ինչպես նաև մասնագիտական հմտություններ պահանջող իրավիճակային առաջադրանքներից: Թեստային առաջադրանք անցկացնելու նպատակը տեսուչների կարողությունների շարունակական կատարելագործումն է, խնդիրների վերահանումն ու թերությունների շտկումը:
Մանրամասն ➜
© 2019