Փոփոխություն է կատարվել ՀՀ կառավարության 2020 թվականի սեպտեմբերի 11-ի 1514-Ն որոշման մեջ։ Վերացվում են Հայաստանի Հանրապետության տարածք մուտք գործելու սահմանափակումները: Ուժը կորցրած է ճանաչվել Հայաստանի Հանրապետության տարածք օդային և ցամաքային սահմանային անցման կետերով մուտք գործելիս կորոնավիրուսային հիվանդության (COVID-19) ախտորոշման ՊՇՌ հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ կամ Առողջապահության համաշխարհային կազմակերպության կամ Եվրոպական միության կողմից նախաորակավորված կորոնավիրուսային հիվանդության (COVID-19) հարուցչի հակածնի հայտնաբերման արագ ախտորոշիչ թեստի 24 ժամ վաղեմության բացասական արդյունքը հավաստող սերտիֆիկատ ներկայացնելու պահանջը: Որոշումն ուժի մեջ է մտնում 2022 թվականի մայիսի 1-ից: Մանրամասները՝ հղումով https://bit.ly/37NPqJi
Մանրամասն ➜
Աշխատանքի միջազգային կազմակերպությունը, սկսած 2003 թվականից, յուրաքանչյուր տարի ապրիլի 28-ը նշում է որպես աշխատանքի պաշտպանության համաշխարհային օր։ Այս տարի օրվա կարգախոսն է՝ «Միասնական ջանքերով ձևավորենք անվտանգ աշխատանքի մշակույթ»։ ՀՀ առողջապահական և աշխատանքի տեսչական մարմինը՝ որպես աշխատողների առողջության պահպանման և անվտանգության ապահովման նկատմամբ վերահսկողության իրականացնող մարմին, հիշեցնում է՝ առողջ և անվտանգ աշխատանքային պայմաններ ունենալը յուրաքանչյուր աշխատողի սահմանադրական իրավունքն է։ Հետևե՛ք աշխատանքի անվտանգության կանոններին, խուսափե՛ք չարդարացված ռիսկերից, պահպանե՛ք ձեր կյանքը։ https://bit.ly/3KpGWWf
Մանրամասն ➜
ՀՀ առողջապահական և աշխատանքի տեսչական մարմնի Բժշկական օգնության և սպասարկման վերահսկողության վարչության պետ Քրիստինե Աբրահամյանը և Իրավական աջակցության և փաստաթղթաշրջանառության վարչության պետ Գոռ Հովհաննիսյանը մասնակցել են Առողջապահական ծառայությունների որակի բարելավման ուղղությամբ ռազմավարական նախագծի քննարկմանը։ Առողջապահության նախարարության կողմից կազմակերպված աշխատաժողովի ընթացքում ներկայացվել են բժշկական օգնության որակի վերաբերյալ արդի մոտեցումները, ԱԱՊ օղակի ուսումնասիրության ընթացքում բացահայտված որակի խնդիրները, ինչպես նաև առողջապահական ծառայությունների որակի բարելավման ռազմավարությունը և դրանից բխող միջոցառումների ծրագիրը: Նախագիծը կյանքի կոչելուց հետո իրազեկման և վերահսկողական գործառույթները վերապահվելու են ՀՀ առողջապահական և աշխատանքի տեսչական մարմնին։ Նախագիծը մշակվել է Ասիական զարգացման բանկի տեխնիկական աջակցությամբ: Համաշխարհային բանկի աջակցությամբ կորեական HIRA [...]
Մանրամասն ➜
© 2019