ՀՀ առողջապահական և աշխատանքի տեսչական մարմնի և Զինվորի տան միջև կնքված համագործակցության հուշագրի շրջանակներում՝ մարդկային ռեսուրսների կառավարման ոլորտին առնչվող ՀՀ օրենսդրության ուսուցման թեմաներով հերթական դասընթացն է տեղի ունեցել զինվորների և նրանց ընտանիքի անդամների համար։ Տեսչական մարմնի Աշխատանքային օրենսդրության իրավական վերահսկողության բաժնի պետ Ալվարդ Արշակյանն ու նույն բաժնի գլխավոր տեսուչ Հրանտ Պապիկյանը ներկայացրել են ՀՀ աշխատանքային օրենսդրության, նորմատիվ իրավական ակտերի դրույթները։ Դասընթացներն իրականացվում են շաբաթական երկու անգամ. հաջողությամբ ավարտած շահառուներին կողմերն աջակցելու են նաև պրակտիկա անցնելու և աշխատանքի ընդունվելու հարցերում։ Տեսչական մարմինն ու Զինվորի տունը համագործակցության հուշագիրը կնքել են 2021 թ.-ի նոյեմբերի 19-ին։
Մանրամասն ➜
Փոփոխություն է կատարվել ՀՀ կառավարության 2020 թվականի սեպտեմբերի 11-ի 1514-Ն որոշման մեջ։ Վերացվում են Հայաստանի Հանրապետության տարածք մուտք գործելու սահմանափակումները: Ուժը կորցրած է ճանաչվել Հայաստանի Հանրապետության տարածք օդային և ցամաքային սահմանային անցման կետերով մուտք գործելիս կորոնավիրուսային հիվանդության (COVID-19) ախտորոշման ՊՇՌ հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ կամ Առողջապահության համաշխարհային կազմակերպության կամ Եվրոպական միության կողմից նախաորակավորված կորոնավիրուսային հիվանդության (COVID-19) հարուցչի հակածնի հայտնաբերման արագ ախտորոշիչ թեստի 24 ժամ վաղեմության բացասական արդյունքը հավաստող սերտիֆիկատ ներկայացնելու պահանջը: Որոշումն ուժի մեջ է մտնում 2022 թվականի մայիսի 1-ից: Մանրամասները՝ հղումով https://bit.ly/37NPqJi
Մանրամասն ➜
Աշխատանքի միջազգային կազմակերպությունը, սկսած 2003 թվականից, յուրաքանչյուր տարի ապրիլի 28-ը նշում է որպես աշխատանքի պաշտպանության համաշխարհային օր։ Այս տարի օրվա կարգախոսն է՝ «Միասնական ջանքերով ձևավորենք անվտանգ աշխատանքի մշակույթ»։ ՀՀ առողջապահական և աշխատանքի տեսչական մարմինը՝ որպես աշխատողների առողջության պահպանման և անվտանգության ապահովման նկատմամբ վերահսկողության իրականացնող մարմին, հիշեցնում է՝ առողջ և անվտանգ աշխատանքային պայմաններ ունենալը յուրաքանչյուր աշխատողի սահմանադրական իրավունքն է։ Հետևե՛ք աշխատանքի անվտանգության կանոններին, խուսափե՛ք չարդարացված ռիսկերից, պահպանե՛ք ձեր կյանքը։ https://bit.ly/3KpGWWf
Մանրամասն ➜
© 2019