ՀՀ առողջապահական և աշխատանքի տեսչական մարմնի ղեկավար Հակոբ Ավագյանի հանձնարարությամբ շարունակվում են ՀՀ պետական սահմանային բժշկասանիտարական հսկիչ կետերում ուսումնական վարժանքները։ Տեսչական մարմնի ղեկավարի տեղակալ Սլավիկ Սարգսյանը և ԱԱՏՄ հիգիենիկ, սանիտարահիգիենիկ և հակահամաճարակային վերահսկողության վարչության պետ-տեսուչ Աննա Հարությունյանը մասնակցել են ՀՀ առողջապահական և աշխատանքի տեսչական մարմնի Բագրատաշենի, Այրում-Ջիլիզայի, Գոգավան-Պրիվոլնոյեի սահմանային բժշկասանիտարական հսկիչ կետերում՝ Կապիկի ծաղիկ հիվանդության և Ղրիմ-Կոնգոյի հեմոռագիկ տենդի կասկածելի դեպքերի զննման, հայտնաբերման, ինչպես նաև ջերմող ուղևորների մեկուսացման հետ կապված ուսումնական վարժանքներին։ Այցի ընթացքում քննարկվել են կասկածելի դեպքերի զննման, հայտնաբերման, ինչպես նաև ջերմող ուղևորների մեկուսացման հետ կապված ընթացակարգային հարցեր։
Մանրամասն ➜
ՀՀ կառավարության հուլիսի 21-ի նիստում N 1106-Ն որոշմամբ լրացում է կատարվել Կառավարության 2020թ-ի 718-Ն որոշման մեջ։ Համաձայն որի՝ բժշկական օգնության և սպասարկման բնագավառում ռիսկի վրա հիմնված ստուգումների ստուգաթերթի N 3 հավելվածը լրացվել է հետևյալ ստուգաթերթով՝ «Կալանավորված անձանց և դատապարտյալների համար ստեղծված բժշկական կազմակերպությունների կողմից տրամադրվող բժշկական օգնության ու սպասարկման բնագավառի վերահսկողության» N 3.17 ստուգաթերթ՝ համաձայն N 3 հավելվածի: «ՀՀ-ում ստուգումների կազմակերպման և անցկացման մասին» օրենքի համաձայն՝ Տեսչական մարմնի ստուգումներն անցկացվում են ստուգաթերթերի հիման վրա, որոնք հաստատում է ՀՀ կառավարությունը: Մանրամասները՝ հղումով https://bit.ly/3xZhtzL
Մանրամասն ➜
«Միասին նպաստենք Հայաստանում աշխատանքային իրավունքների իրացմանը» նախագծի շրջանակում՝ ՀՀ առողջապահական եւ աշխատանքի տեսչական մարմնում հանդիպում է կայացել Աշխատանքի միջազգային կազմակերպության (ԱՄԿ) ներկայացուցիչների հետ։ ԱՄԿ Արժանապատիվ աշխատանքի հարցերով տեխնիկական աջակցության խմբի և Արևելյան Եվրոպայի ու Կենտրոնական Ասիայի երկրները համակարգող Գրասենյակում Նախագծի պատասխանատու Անտոնիո Սանտոսը ծանոթացել է Հայաստանում աշխատանքի տեսչության համակարգում և աշխատանքի առողջության ու անվտանգության ոլորտի առաջնահերթություններին, առկա խնդիրներին, ինչպես նաև հնարավոր լուծումներին: Տեղի է ունեցել քննարկում. Տեսչական մարմնի աշխատակիցները պատասխանել են հետաքրքրող հարցերին։
Մանրամասն ➜
© 2019