Նորություններ

Շրջայց-իրազեկման աշխատանքներ՝ Երևանի դպրոցներում և մանկապարտեզներում

  2026 թվականի սեպտեմբերի 18-ին Առողջապահական և աշխատանքի տեսչական մարմնի Երևան քաղաքի տարածքային կենտրոնի հիգիենիկ, սանիտարահիգիենիկ և հակահամաճարակային վերահսկողության բաժնի աշխատակիցները շրջայց-իրազեկման աշխատանքներ են իրականացրել Երևանի Մուրացանի անվան թիվ 18 և Գարեգին Նժդեհի անվան թիվ 161 հիմնական դպրոցներում, Երևանի թիվ 139 և թիվ 129 մսուր-մանկապարտեզներում։ Դպրոցներում ներկայացվել են հանրակրթական ծրագրեր իրականացնող ուսումնական հաստատություններին ներկայացվող սանիտարահիգիենիկ պահանջները՝ Առողջապահության նախարարի 2017 թվականի մարտի 28-ի N 12-Ն հրամանի շրջանակում։ Մասնավորապես, ներկայացվել են՝ ուսումնական միջավայրի սանիտարահիգիենիկ պայմաններին ներկայացվող պահանջները, սանհանգույցների և կենցաղային պայմանների պատշաճ կազմակերպումը, բուժկետի և առաջին բուժօգնության ապահովումը, ուսումնական սենքերի միկրոկլիման, լուսավորությունը և ջրամատակարարումը, մաքրման, ախտահանման և անվտանգ [...]

Առողջապահական և աշխատանքի տեսչական մարմինը հրավիրում է բնակչության սանիտարահամաճարակային անվտանգության և հանրային առողջապահության ապահովման վերահսկողության ոլորտի իրազեկման սեմինարի։ Սեմինարի թեման՝ Վարսավիրանոցների և գեղեցկության սրահների այլ ծառայությունների հաստատություններում սանիտարահիգիենիկ և հակահամաճարակային բնագավառի օրենսդրության պահանջները։ Սեմինարը կկայանա 2026 թվականի սեպտեմբերի 24-ին, ժամը 15:00-ին։ Գրանցման համար խնդրում ենք հայտն ուղարկել press@hlib.am էլեկտրոնային հասցեին՝ նշելով Ձեր անուն/ազգանունը, կազմակերպության անվանումը, զբաղեցրած պաշտոնը, հեռախոսահամարը և էլեկտրոնային հասցեն։ Անցկացման վայրը՝ Շենգավիթ, Արարատյան 26, Հեռ. (010) 65 03 05

Սեմինար՝ «Արևշատի երաժշտական դպրոց» ՀՈԱԿ-ում

2026 թվականի սեպտեմբերի 15-ին Առողջապահական և աշխատանքի տեսչական մարմնի Արևմտյան տարածքային կենտրոնի աշխատանքային օրենսդրության վերահսկողության բաժնի աշխատակիցների  կողմից «Արևշատի երաժշտական դպրոց» ՀՈԱԿ-ում անցկացվել է իրազեկման սեմինար։ Սեմինարի ընթացքում ներկայացվել են աշխատանքային պայմանների փոփոխությանը, աշխատաժամանակին, համատեղությամբ աշխատանքին և ծնողական ժամին վերաբերող օրենսդրական կարգավորումները։ Միաժամանակ մասնակիցների կողմից բարձրացվել են իրենց հետաքրքրող հարցերը, որոնք քննարկվել են մասնագետների հետ։