ԱՄԿ ջանքերով եւ ԵՄ ֆինանսավորմամբ Առողջապահական եւ աշխատանքի տեսչական մարմնի շուրջ 3 տասնյակ աշխատող անցել է ձեռնարկություններում մասնագիտական ռիսկերի գնահատման եւ կառավարման մեկշաբաթյա վերապատրաստում։ Դասընթացները եղել են տեսական եւ գործնական։ Աշխատանքային քննարկումներին զուգահեռ այց է կազմակերպվել նաեւ հայաստանյան գործարան։ Աշխատանքի միջազգային կազմակերպության (ԱՄԿ) Մոսկվայի գրասենյակի աշխատանքի վարչարարարության, աշխատանքի տեսչության, աշխատանքի անվտանգության եւ առողջության հարցերով ավագ մասնագետ Վալենտին Մոկանուն աշխատանքային շաբաթվա ամփոփմանը շեշտել է իրենց պատրաստակամությունը՝ հետագայում եւս կազմակերպել այսպիսի դասընթաց, ինչպես նաեւ տեխնիկական աջակցություն ցուցաբերել ԱԱՏՄ գործող կանոնադրությունը նոր լիազորություններին համապատասխանեցնելու առումով։ Հիշեցնենք, որ աշխատանքային իրավահարաբերությունների կարգավորման առումով ԱԱՏՄ ընդլայնված լիազորություններն ուժի մեջ կմտնեն 2021 թ․ [...]
Մանրամասն ➜
ՀՀ առողջապահական եւ աշխատանքի տեսչական մարմնի ղեկավար Հակոբ Ավագյանի եւ ԱԱՏՄ տարածքային ստորաբաժանումների ղեկավարների աշխատանքային քննարկման ժամանակ զեկուցվել են ուժեղացված վերահսկողական աշխատանքների ընթացքն ու սահմանային բժշկասանիտարական կետերում հերթապահությունն անխափան պահելու հարցերը։ Հունվարի 24-ից տեսչական մարմինը կորոնավիրուսի ներթափանցումը կանխելու նպատակով ուժեղացված ռեժիմի է անցել։ Քննարկվել է մարզային ստորաբաժանումները պետական կառույցների տարածք տեղափոխելու ընթացքը։ Ներկայում դրանց տարածքները վարձակալվում են, իսկ վարչական շենքերում դրանց տեղակայմամբ կխնայվեն վարձակալությանն ուղղվող գումարները։ Այդպիսով նաեւ կայուն աշխատանքային պայմաններ կապահովվեն։ Ներկայացվել են մարզային ստորաբաժանումների կադրերի համալրման խնդիրները, Մեղրիի սահմանային հսկիչ կետի նոր վայրում տեղակայման ընթացքը, հարուցված վարչական վարույթներին առնչվող հարցեր։
Մանրամասն ➜ՀՀ առողջապահական և աշխատանքի տեսչական մարմնի ու Առողջապահության նախարարության կողմից կորոնավիրուսի ներթափանցումը կանխելուն ուղղված գործողությունները բավականին տրամաբանական և ադեկվատ են։ Հայաստանի սահմաններին հսկողությունն ավելի խիստ է նույնիսկ շատ զարգացած երկրների համեմատ։ Այս մասին շեշտել է ՀՀ փոխվարչապետ Տիգրան Ավինյանը «Շանթ» հեռուստաընկերության եթերում։ Փոխվարչապետն անդրադարձել է սահմանային բժշկասանիտարական հսկիչ կետերում Առողջապահական և աշխատանքի տեսչական մարմնի անձնակազմի կողմից իրականացվող անհրաժեշտ կանխարգելիչ միջոցներին. վերջին շրջանում համաճարակային առումով անբարենպաստ երկրներում գտնված կամ այնտեղից եկող բոլոր անձանց համար լրացվում են հասցեական քարտեր, որոնց մեջ ֆիքսվում է քաղաքացիների բնակվելու վայրը։ Նպատակն է՝ նրանց հետագա հսկողության տակ պահել։ Ավինյանը պատասխանել է նաև հարցին՝ արդյոք մեր պետությունն ունի հիվանդությունը տեղայնացնելու հնարավորություն, որպեսզի այն [...]
Մանրամասն ➜
© 2019