Հայաստանի ու Վրաստանի միջև քաղաքացիների տեղաշարժը մարտի 14-ից 10 օրով ժամանակավորապես կկասեցվի, այս մասին ֆեյսբուքյան էջում գրել է փոխվարչապետ Տիգրան Ավինյանը: «Հարգելի՛ հայրենակիցներ, Կողմերի փոխադարձ համաձայնությամբ Հայաստանը ու Վրաստանը որոշել են մարտի 14-ի առավոտյան ժամը 08:00-ից սկսած 10 օրով ժամանակավորապես կասեցնել երկու երկրների միջև քաղաքացիների տեղաշարժը: Միաժամանակ, երկու երկրները կապահովեն հայրենիք վերադառնալու ցանկություն հայտնած քաղաքացիների անարգել մուտքը իրենց երկիր: Այս սահմանափակումները տարածվում են տրանսպորտի բոլոր տեսակների վրա: Սահմանափակումները չեն տարածվում բեռնափոխադրումների վրա: Հայցում ենք բոլորիդ ներողամտությունը պատճառած անհարմարության համար։ Համոզված եմ՝ առկա է համընդհանուր գիտակցում, որ այս քայլերը ձեռնարկում ենք բացառապես հանրության անվտանգությունն ապահովելու նպատակով»։
Մանրամասն ➜Մարտի 15-ին Իտալիայից հատուկ չվերթով ժամանող ինքնաթիռն ընդունելու ու դրա ուղևորների սանիտարահամաճարակային անվտանգությունն ապահովելու ուղղությամբ ՀՀ առողջապահության նախարարության հետ համատեղ անվտանգության հատուկ քայլեր են ձեռնարկվել ՀՀ առողջապահական եւ աշխատանքի տեսչական մարմնի «Զվարթնոց» բժշկասանիտարական հսկիչ կետում։ Կանխարգելիչ միջոցառումները սկսվել են դեռ օդանավից։ Ինքնաթիռը վայրէջք է կատարել հատուկ առանձնացված սանիտարակարանտինային կանգառում։ Ուղեւորների դուրս գալուն պես համապատասխան մասնագետների կողմից ինքնաթիռի սրահում անցկացվել են ախտահանման միջոցառումներ’ վարակի հնարավոր տարածումից խուսափելու նպատակով։ Անմիջապես բոլոր ժամանողներն անցել են ջերմաչափում, արտաքին զննում։ Լրացվել են հասցեական քարտեր։ Ձեռնարկվել են համապատասխան անվտանգության քայլեր՝ բացառելու օդանավակայանի անձնակազմի վարակվելու հավանականությունը։ Բոլոր ուղեւորները մեկուսացված կարգով փոխադրվել են հատուկ [...]
Մանրամասն ➜