ՀՀ առողջապահական և աշխատանքի տեսչական մարմնի Հյուսիսային տարածքային կենտրոնի մասնագիտական խմբերը Լոռու մարզի Սպիտակ և Վանաձոր քաղաքում ուղևորափոխադրող տրանսպորտում դիտարկել են Covid-անվտանգության կանոնների պահպանումը։ Վերահսկողական աշխատանքների շրջանակում դիտարկվել է հանրային տրանսպորտային միջոցներում ախտահանիչների, տրանսպորտի սրահում իրազեկման թերթիկների առկայությունը, վարորդների և ուղևորների կողմից դիմակների կրման պահանջի կատարումը։ Ստուգայցի ընթացքում արձանագրվել է, որ հիմնականում բացակայել են դրամի համար նախատեսված արկղերը և իրազեկման թերթիկները։ ԱԱՏՄ տեսուչները տվել են խախտումները վերացնելու հանձնարարականներ։ Որոշ դեպքերում կազմվել են վարչական իրավախախտումների վերաբերյալ արձանագրություններ։ Տեսչական մարմնի մասնագետներն իրականացրել են նաև կանխարգելիչ բացատրական և իրազեկման աշխատանքներ։
Մանրամասն ➜
ՀՀ առողջապահական և աշխատանքի տեսչական մարմնի ղեկավար Հակոբ Ավագյանի նախաձեռնությամբ հանդիպում է տեղի ունեցել Գործարարության աջակցման գրասենյակի ղեկավար Գևորգ Պողոսյանի և գրասենյակի իրավաբան-խորհրդատու Սյուզաննա Ծատուրյանի միջև, ովքեր անմիջական մասնակցություն են ունեցել Տեսչական մարմինների բարեփոխումների իրականացման աշխատանքներում։ Քննարկվել են Տեսչական մարմնի ձեռքբերումները, օրենսդրական և առկա այլ խնդիրներ։ Պայմանավորվել են ԱԱՏՄ վերահսկողական լիազորությունների շրջանակներում տնտեսավարողների շրջանում իրականացնել իրազեկման աշխատանքներ և համագործակցել նաև այլ ձևաչափերով։
Մանրամասն ➜
ՀՀ առողջապահական և աշխատանքի տեսչական մարմնի, Քաղաքաշինության, տեխնիկական և հրդեհային անվտանգության տեսչական մարմնի աշխատակիցները Ճանապարհային ոստիկանության ծառայողների հետ համատեղ շրջիկ խմբերով կանգառի կետերում շարունակել են ուժեղացված վերահսկողություն իրականացնել հանրային տրանսպորտում Covid-անվտանգության նորմերի պահպանման նկատմամբ: Խստացված ստուգայցի արդյունքում Տեսչական մարմնի մասնագետները ուղևորափոխադրման համակարգում արձանագրել են մի շարք խախտումներ։ Մասնավորապես՝ վարորդներն ու ուղևորները չեն կրել դիմակ, եղել են կուտակումներով երթուղայիններ, որոշ երթուղայիններում բացակայել են ախտահանիչ նյութերը։ Կազմվել են վարչական իրավախախտումների վերաբերյալ արձանագրություններ, որոնց հիմքով կկիրառվեն տուժանքներ։ Տեսչական մարմնի մասնագետները զուգահեռ իրականացրել են նաև կանխարգելիչ բացատրական և իրազեկման աշխատանքներ, տեղում արձանագրված թերությունների մասով տվել շտկման ցուցումներ։
Մանրամասն ➜
© 2019