Հաշվի առնելով այն հանքամանքը, որ բժշկական օգնություն և սպասարկում իրականացնող տարբեր տնտեսավարող սուբյեկտներ և առանձին բուժաշխատողներ իրականացնում են բուժական մեթոդների և բուժտեխնիկայի հրապարակային գովազդ՝ խախտելով գովազդի ոլորտը կանոնակարգող ՀՀ օրենսդրության պահանջները, ՀՀ առողջապահական և աշխատանքի տեսչական մարմինը որպես դեղերի, բուժտեխնիկայի և բուժական մեթոդների գովազդի նկատմամբ վերահսկողություն իրականացնող մարմին հիշեցնում է՝ Արգելվում է դեղերի, բուժտեխնիկայի և բուժական մեթոդների գովազդը` առանց Հայաստանի Հանրապետության առողջապահության նախարարության թույլտվության, Արգելվում է այն դեղերի, բուժտեխնիկայի և բուժական մեթոդների գովազդը, որոնց կիրառումը պահանջում է բժշկի հատուկ նշանակում: Տեսչական մարմինը հիշեցնում է, որ օրենսդրության պահանջների խախտման դեպքում նախատեսվում է վարչական պատասխանատվություն։
Մանրամասն ➜
ՀՀ առողջապահական և աշխատանքի տեսչական մարմնի նախաձեռնությամբ հանդիպում է կայացել փաստաբան, «Աշխատանքային իրավունք, դատական պրակտիկա» աշխատության հեղինակ Ներսես Աղաբաբյանի հետ։ Տեսչական մարմնի աշխատակիցներին ներկայացվել է Ներսես Աղաբաբյանի «Աշխատանքային իրավունք, դատական պրակտիկա» աշխատության 3-րդ հրատարակությունը։ Գրքում ներկայացված են ՀՀ Սահմանադրական և Վճռաբեկ դատարանների աշխատանքային վեճերով ընդունված որոշումների սեղմագրերը և մեկնաբանությունները։ Այն նախատեսված է իրավաբանների, գործատու-աշխատող հարաբերությունների օրենսդրական կարգավորմամբ հետաքրքրվող անձանց համար։ Հրատարակությունը նաև ուղեցույց է ոլորտի մասնագետների համար, որն ամենօրյա աշխատանքում օգտակար և կիրառելի կլինի նաև Տեսչական մարմնի աշխատակիցների համար։
Մանրամասն ➜
ՀՀ առողջապահական և աշխատանքի տեսչական մարմնի Երևանի և մարզային տարածքային ստորաբաժանումներն այսօր վաղ առավոտից իրականացրել են ուժեղացված լայնածավալ ստուգայց ողջ հանրապետությունում։ Տեսչական մարմնի մասնագիտական խմբերի ուշադրության կենտրոնում Covid-անվտանգության կանոնների պահպանումն է՝ սկսած հանրային տրանսպորտի դիսպետչերական կետերից մինչև ուղևորատար տրանսպորտային միջոցներ, դպրոցներ, մանկապարտեզներ, առևտրի մանրամեծածախ կենտրոններ, փակ արտադրական տարածքներ, դեղատներ և բուժհաստատություններ։ Համաժամանակյա ուժեղացված ստուգայցի ընթացքում արձանագրվել են մի շարք խախտումներ, որոնց հիմքով հարուցվել են վարչական վարույթներ։ Տրվել են նախազգուշացումներ՝ խնդիրներն անհապաղ վերացնելու վերաբերյալ։ Կիրառվել են նաև տուգանքներ։ Ստուգայցերը շարունակվում են. դրանցում փոխօգնության կարգով ընդգրկված են ՀՀ Քաղաքաշինության, տեխնիկական և հրդեհային անվտանգության տեսչական մարմնի, Կրթության տեսչական մարմնի, Շուկայի [...]
Մանրամասն ➜
© 2019