Առողջապահական և աշխատանքի տեսչական մարմնի աշխատակիցները շարունակում են ստուգայցերը հանրապետության դպրոցներում և մանկապարտեզներում: Մայրաքաղաքի Մալաթիա–Սեբաստիա վարչական շրջանի նշված հաստատություններում ԱԱՏՄ Երևանի տարածքային կենտրոնի մասնագետների դիտարկումները կոպիտ խախտումներ չեն արձանագրել: Դպրոցների բուժքույրերը, հիմնականում նշանակված են, որպես կորոնավիրուսի տարածման կանխարգելման պատասխանատու և հետևում են ընթացիկ աշխատանքներին։ Դպրոցների մեծ մասն ապահովված է անհրաժեշտ քանակով ախտահանիչներով, դիմակներով: ԱԱՏՄ համաճարակաբանները ստուգայցին զուգահեռ մասնագիտական խորհրդատվություն են ցուցաբերում, ինչպես նաև Covid-անվտանգության իրազեկման թերթիկներ են բաժանում, որոշ դեպքերում նաև փակցնում հաստատություններում:
Մանրամասն ➜Առողջապահական և աշխատանքի տեսչական մարմնի ղեկավար Հակոբ Ավագյանի նախաձեռնությամբ և ԱԱՏՄ թիմի համատեղ ջանքերով հարավային սահմանապահ զորամասերից մեկին նվիրաբերվել են հիգիենայի պարագաներ և խնամքի այլ միջոցներ, իսկ զորամասի բուժկետին՝ բժշկական սարքավորում: Նման նվիրատվություն կատարվել էր նաև անցյալ տարի:
Մանրամասն ➜Սյունիքի մարզ աշխատանքային այցի ընթացքում Առողջապահական և աշխատանքի տեսչական մարմնի ղեկավար Հակոբ Ավագյանն այսօր հանդիպում է ունեցել ԱԱՏՄ հարավային տարածքային կենտրոնում, քննարկել ընթացիկ աշխատանքներն ու տարեվերջյան արդյունքները։ Ավագյանն այցելել է նաեւ Սիսիան քաղաքում ԱԱՏՄ-ին հատկացված նոր գրասենյակի տարածք, որտեղ ընթանում են շինարարական և բարեկարգման աշխատանքներ: Տեղում ծանոթացել է դրանց ընթացքին, քննարկումներ ունեցել աշխատանքները համակարգող մասնագետների հետ։ Տեսչական մարմնի մարզային տարածքային 3 կենտրոնները Տավուշի, Սյունիքի և Լոռու մարզերում կառավարության որոշմամբ տեղակայվում են պետական սեփականություն հանդիսացող շենքերում, ինչը հնարավորություն կտա ունենալ կայուն աշխատավայր, աշխատանքային բարելավված պայմաններ, ինչպես նաև զգալիորեն կտնտեսվեն ներկայում զբաղեցվող տարածքների վարձակալությանն ուղղվող պետական միջոցները։
Մանրամասն ➜